Баланы түләп таптырырҙар микән ни?

Декабрҙә ҡала бала табыу йортонда эшләгән ҡырҡҡа яҡын белгес эш урынынан киткәйне. Бала табыу йорто шәхси партнерлыҡ системаһына күсерелгәйне.

Рәсәй Милли медицина палатаһы президенты, танылған хирург Леонид Рошаль:

- Салауат бала табыу йортон шәхси ҡулдарға тапшырыу төптө хаталы аҙым булған, тип иҫәпләйем. Әгәр был ҡарарҙы үҙгәртергә юридик мөмкинлектәребеҙ бар икән, Дөйөм Рәсәй халыҡ фронты Милли медицина палатаһы менән берлектә ошо башланғыс менән сыға ала.