Тәртип урынлаштырмай сара юҡ

Йылдың беренсе кварталында муниципалитет башлыҡтары һаулыҡ һаҡлау учреждениеларында тәртип урынлаштырырға тейеш. Март аҙағына медицина белгестәрен йәлеп итеү эше һөҙөмтәләре буйынса докладтар әҙерләнә. Республика башлығы вазифаһын ваҡытлыса башҡарыусы Радий Хәбиров ошондай күрһәтмә бирҙе. Республика һаулыҡ һаҡлау системаһында байтаҡ етешһеҙлектәр асыҡланды. Кадрҙарға ҡытлыҡ - төп проблемаларҙың береһе, тип аталды.