Спорт һаулыҡты нығыта

Башҡортостандың барлыҡ муниципалитеттарында спорт һәм сәләмәтлек декадаһы башланды. Халыҡты спартакиада, чемпионат, турнир һәм фестивалдәрҙә ҡатнашырға, эстафеталарға ҡушылырға саҡыралар. Күмәкләп конькиҙа, саңғыла һәм санала шыуырға мөмкин. Ҡала һәм райондарҙа физкультура-һауыҡтырыу комплекстары, спорт һәм үҫмерҙәр клубтары, стадион һәм бассейндар, хоккей майҙансыҡтары һәм һырғалаҡтар асыҡ була. Башҡортостанда бихисап ярыштар ойоштороласаҡ, тип хәбәр итәләр республика спорт министрлығынан.