Ярҙам артыҡ булмай

Республикала торлаҡ-коммуналь хеҙмәттәргә компенсация өсөн яҡынса биш миллиард һум бүленә. Киләһе йылдан ҡаты көнкүреш ҡалдыҡтарын йыйыу өсөн түләү алына. Айырым категория граждандарына ауырға тура килә. Шуға мохтаждарға ярҙам күрһәтеү ҡарала. Субсидияға 600 меңдән ашыу кеше өмөт итә ала. Улар араһында ветерандар, янғыҙ йәшәгән пенсионерҙар, инвалидтар һәм күп балалы ғаиләләр. Әйткәндәй, сүп-сар сығарыу өсөн тариф ҡалала йәшәүселәргә 70 һумдан, ә ауылдағыларға 35 һумдан ҡуйылды.