Тиҙҙән билдәле була

Башҡортостанда халыҡтан сүп-сар йыйыу, уны транспортлау һәм сорттарға бүлеү хаҡында килешеүҙәр төҙөү тәртибен аңлаттылар. Яңы йылдан был бурыс төбәк операторҙарына йөкмәтелә. 12 районда көнкүреш ҡалдыҡтарын эшкәртеү өсөн яуаплы ойошма вәкиле Евгений Юдинцев квитанция өсөн түләргә теләмәүселәргә ҡарата күреләсәк саралар тураһында ла әйтте. Сүп-сарҙы сығарыу өсөн түләү суммаһы көнкүреш ҡалдыҡтары күләменән сығып иҫәпләнә. Тариф ошо айҙа аныҡ билдәле булырға тейеш.