Салауатта яңы быуын китапханаһы үҙ ишектәрен асты

Туғыҙ ай капиталь ремонттан һуң моделле үҙәк китапхана үҙ ишектәрен асты, хәҙер ул «Үҙ химия» исемен йөрөтә. Дизайн-проекттын әҙерләүселәр «Һөйөү ул химия» тигән ҡараштан сығып эш итеү һәм интерьерҙа «бензин» төҫтәре булыу менән аңлата. Кәйефкә төҫтөң йоғонто яһауы менән киапханала 45 йыл эшләүсе Римма Ситдикова ла килешә.
- Мәктәпте тамамлағас мин Өфө китапхана техникумына уҡырға индем, - тип һөйләй Римма Ситдикова. - Шулай бөтә тормошомдо ошо матур һөнәргә бағышланым. Тәүге эш урыным Салауат үҙәк китапханаһы булды. Ул ваҡытта уның директоры Маргарита Ивановна Чистякова ине, һәм автомобилдә китапхана тигән бүлек бар ине. Мин китапхана автобусында ҡаланың предприятиеларына: Салауат Юлаев бульварындағы «Чайка» ательеһына, быяла заводына, хәрби часҡа йөрөй торғайным. Артабан мәктәп китапханаһында, һуңынан 25 йыл сауҙа-кулинар училищеһы китапханаһында эшләнем. Бына 10 йыл балалар музыка мәктәбендә китапханасы. Үҙәк китапханалағы ошондай үҙгәрешкә һоҡланам. Матур, заманса, актуаль китапхана, һис шикһеҙ, юғары потенциалы бар.

Ысынлап та, китапхана глобаль үҙгәрештәр кисерә. Иң бәләкәйҙәр өсөн интерактив, 3D- и 4D-баҫмалар, панорамлы һәм уйынсыҡлы китаптар менән уңайлы бүлмә. Милли электрон китапханаға, Милли электрон балалар китапханаһына, Ельцин исемендәге Президент китапханаһына, «Консультант Плюс» системаһына тоташтырылған компьютерҙар менән электрон уҡыу залы. Насар күреүсе һәм ауыр ишетеүсе кешеләр өсөн бик шәп зал, унда электрон лупалар менән копьютерҙар, эре һәм сағыу төймәләр менән клавиатуралар, ҙурайтылған шрифттар менән китаптар һәм Брайль шрифты менән сифатлы баҫмалар урынлашҡан. Коворкинг һәм конференц-зал зонаһы бар. Һуңғыһын китапхананың күптәнге дуҫтары «Алтын быуат» берекмәһе оҡшатып та өлгөрҙө. Уның ағзалары үҙәк китапханала йыйыла, викториналар, интеллектуаль квиз уйнайҙар, лекциялар тыңлайҙар. Татьяна Стрижкова был осрашыуҙарҙы ҡалдырмаҫҡа тырыша, сөнки бында ҡыҙыҡһыныу һәм рухи яҡтан яҡын кешеләр осраша. Уның өсөн китап уҡыу - иң яҡшы ял.
- Мин детективтар, Марковтың «Строговы» кеүек династиялар тураһында романдарын, шулай уҡ һуғыш ваҡыты тураһында романдар яратам. Мин был китапханаға 60-сы йылдарҙан яҙылғанмын. Беҙ китапханасылар менән дуҫ булдыҡ, карточкалар тулытырыуҙа, китаптарҙы урынлаштырыуҙа ярҙам иттек. Ошо арҡала яңы китаптарҙы ла беренсе булып уҡый торғайныҡ.
Әлеге заманда кешеләр буш ваҡыттарын кинотеатрҙарҙа, кафеларҙа, матурлыҡ салондарында һәм ресторандарҙа уҙғарыуҙы хуш күрә. Шулай уҡ уларҙы заманса итеп эшләнгән китапханалар ҙа уларҙы үҙенә йәлеп итә. Салауаттар өсөн дә яңы быуын үҙәк китапханаһы яратып йөрөгән урынына әйләнеүендә һис шик юҡ.

2019 йылда моделле муниципаль китапханалар булдырыу буйынса «Мәҙәниәт» милли проектының «Мәҙәни мөхит» федераль проекты тормошҡа ашарыла башлай. Салауат ҡалаһының «Диалог» интеллект-үҙәк» моделле үҙәк ҡала китапханаһы 2023 йылда яңы быуын китапханаларын булдырыу конкурс һайлап алыу турында еңеп сыға. Китапхананы йыһазландырыуға 2024 йылда федеаль, республика һәм муниципаль бюджеттан 15 млн һум бүленә. Капиталь ремонтлау ҡала бюджетынан 15 млн һум йүнәлтелә.

Ольга Исакова фотоһы.