Салауат дәүләт башҡорт драма театрының апрель айына афишаһы

5 апрель, 19.00 – М.Ҡунафин “Тоғролоҡ”, драма (16+), премьера
“Был - Нәфисә исемле героиня һәм уның хәләл ефете Иҙрис тураһында тарих. Улар өлгөлө ғаилә, һәм барыһы ла яҡшы кеүек тойола. Әммә бер бик мөһим проблема бар - уларҙың балалары юҡ, ә бит улар һигеҙ йыл буйына никахта. Был хәл Нәфисәне ыҙалай һәм ул сығыу юлын эҙләй. Ошо мәсьәләне хәл итеү өсөн ул иренән хыянатҡа рөхсәт һорай. Ул хатта йәш һәм телһеҙ Рәсүл исемле егетте лә таба. Иҙрис ҡаршы, әлбиттә. Нәфисә был ҡыйын аҙымға барырмы? Ул тоғролоҡ һаҡлармы йә әсәй булыу теләге әхлаҡи принциптарҙы еңеп сығырмы?”

9 апрель, 13.00 – Д. Салимзянов “Море. Остров. Клад”, пиратская история (0+)
Был «Диңгеҙ бүреләре» менән «Диңгеҙ бесәйҙәре»нең картаның етмәгән яртыһын үҙләштерергә маташыуҙары хаҡында тарих. Ул уларға күптәнге хазина күмелгән тылсымлы утрауҙы табырға мөмкинлек бирәсәк. Капитан эшкә тотонһа, мажаранан ҡотолоп булмай. Тамашасыларҙы көслө хис-тойғолар, кисерештәр көтә. Геройҙарҙы юлда бик күп хәүеф-хәтәрҙәр һәм ҡаршылыҡтар көтә. Хазинаны беренсе булып кем табасаҡ һуң? Әгәр иҫке тәрән аҡыллы ҡомаҡ, көтөлмәгәнсә ваҡиғаларҙың боролошо һәм дошман фрегаттарынан ике юнга араһындағы мөхәббәт булмаһа, был көрәштең ни менән бөтөрөн дә белмәйбеҙ.
Пират тарихы - спектаклдең жанрын режиссер шулай билдәләгән. Тимәк, дәртле музыка ла, күңелле йырҙар ҙа, дәртле бейеүҙәр ҙә, һәм, әлбиттә, һуғыштар ҙа буласаҡ - быларҙың барыһы ла мауыҡтырғыс сюжет менән бергә кескәйҙәрҙең дә, уларҙың ата-әсәләренең дә күңеленә хуш киләсәк.

18 апрель, 12.00 – А. Пушкин «Сказка о царе Салтане», әкиәт (0+)
Был сағыу, матур һәм күңелле тарих ҡараңғылыҡтың яуызлыҡ менән мәңгелек көрәше, яҡшылыҡтың булыу-булмауы тураһында һөйләй һәм кескәй тамашасыларҙы үҙҙәренең ғәҙәти булмаған халыҡ колориты, дәртле йырҙары, бейеүҙәре, һәм, әлбиттә, онотолмаҫ пушкин образдары менән ҡыуандырасаҡ.

19 апрель, 19.00 – Э. Йәһүҙин “Көтмәгәндә булған хәл”, комедия (16+)
“Улар осраҡлы ғына таныштарының баҡсаһында осрашҡан. Улар - үҙенең берҙән-берен осратырға хыялланған яңғыҙ ир һәм бәхет ҡошона ышанған яңғыҙ ҡатын. Әммә ошо пикникта улар ирекһеҙҙән икенсе “уйын”да ҡатнаша. Тик ҡайһы берҙә уйын ҡағиҙәләргә буйһонмай. Айырыуса ысын хистәр ҡыҫылған “өсмөйөш” мөнәсәбәттәрендә. Был ғәҙәти булмаған мөхәббәт тарихына тормоштоң бөтә буяуҙары: юмор һәм лирика, шау-шыу һәм дәрт тупланған».

23 апрель, 13.00 – В. Орлов «Золотой цыпленок», әкиәт (0+)
Интернет селтәрендә Ряба тауығы алтын йомортҡа һалған тип хәбәр итәләр. Хәйләкәр Төлкө яуыз Бүре менәнбергә шунда уҡ мәкерле план төҙөй: Әбей менән Бабайҙың ҡиммәтле йомортҡаһын урларға һәм ... һатмаҫҡа, ашамаҫҡа, ә баҫып сығарырға! Аҙаҡ унан алтын тауыҡ килеп сыға ла бик күп алтын йомортҡа ташыр!.. «Их, ни тиклем байығайырмын!» - тип уйлаған Төлкө. Әммә йомортҡанан бит матур, аҡыллы, изгелекле ... әтәс килеп сыҡҡан!
Бәләкәй генә ҡыйыу себеш нисек Төлкөнән ҡотолоп ҡалған, ә яуыз Бүрене тоғро дуҫҡа әйләндергән? «Алтын себеш» спектакле ысын дуҫлыҡ хаҡында һөйләй...

27, 28 апрель, 19.00 – Ф. Буляков «Go, Баламишкин», музыкаль комедия (12+)
Спектаклдә атаһы-фронтовиктың наказын үтәргә теләгән Хәмзә исемле фермер хаҡында бәйән ителә. Берлинға илткән юлда тиҙ арала һәләк булыуын тойоп, ул һуңғы хатында Европала уның ҡәбере өҫтөндә яратҡан боронғо йыры яңғырауын һорай. Бының өсөн Хәмзә менән уйланылған «Алһыу булырға теләйем» проектын әҙерләгән профессиональ музыканттар кәрәк. Проекттың асылы шунда: фермерҙың ҡыҙы (шулай уҡ уның исеме Алһыу була) билдәле эстрада йырсыһының, нефтсенең ҡыҙының Европалағы уңышын ҡабатларға, өҫтәүенә ауылдағы Алһыу фронтта һәләк булған олатаһының яратҡан йырын башҡарырға тейеш. Хәмзә урындағы гәзиткә хыялын тормошҡа ашырырға ярҙам итерҙәй музыканттар эҙләү тураһында иғлан бирә. Һөҙөмтәлә ауылға өс ауыл музыканты килә, аҡса эшләргә өмөтләнеп, үҙҙәрен баш ҡала йондоҙҙары - «Баламишкин» төркөмө тип таныштыралар. Алдау, әлбиттә, тиҙ, һәм өҫтәүенә, Хәмзәнең байлығының амбициялы проекты өсөн етмәүе асыҡлана. Әммә ауыл йәштәренең таланты һәм энтузиазмы бөтә ҡаршылыҡтарҙы ла йырып сыға. Көтмәгәндә буласаҡ эстрада йондоҙона ғашиҡ булған Ринат менән йәш музыканттарҙы йыр конкурстары дирекцияларының кире ҡағыуы ла, проекттың төп «бағыусыһының» банкротлығы ла туҡтатмай, ауылдаштары ла изге эште тамамлау өсөн һуңғыһын бирә...

29 апрель, 19.00 – И. Абдуллин “Эх, Өфө ҡыҙҙары”, музыкаль комедия (12+)
Спектакль Еңеүҙең 70 йыллығына арналған. Ваҡиғалар дошман авиацияһының ике осошо араһында бара. Өфөнән йыйылған зенитсылар полкы (был - реаль факт) летчиктарҙың хәрби частары янында урынлашҡан. Улар араһында бер-береһенә ҡарата һөйөү уяна, мөхәббәт сатҡылары ҡабына.