Яңы уҡыу йылына старт

Йәйге каникулдар тамамланып, мәктәп коридорҙары йәнләнде. Салауат ҡалаһының 25-се башҡорт гимназияһында ла Белем көнө айҡанлы тантаналы сара үтте. Был көндө уҡыусылар, уҡытыусылар һәм ата-әсәләр бер ғаилә булып йыйылды.
Быйыл гимназия ишеген 72 бала тәүге тапҡыр асты. Улар өсөн был – тормоштағы яңы, мауыҡтырғыс этаптың башы. 2026-2027 уҡыу йылы барыһына ла яңы асыштар һәм уңыштар алып килер тип ышанабыҙ.
Гимназия директоры Илвира Фәхретдинова байрам менән ҡотлап, барыһына ла изге теләктәрен еткерҙе:
- Беренсе сентябрь - ул беҙҙең ҙур һәм дуҫ ғаиләбеҙҙең яңынан берләшкән көнө. Бында һәр кемдең хеҙмәте, тырышлығы баһалана. Уҡыусыларыбыҙға гимназиябыҙҙың данын арттырыуҙарын, ата-әсәләргә сабырлыҡ, ә уҡытыусыларыбыҙға ижади илһам теләйем. Беренсе класс уҡыусыларыбыҙға килгәндә, гимназиялағы йылдарығыҙ иң бәхетле, ә үҙегеҙ тырыш һәм әҙәпле булығыҙ, - тине ул.
Тантаналы линейка йылы һәм дуҫтарса мөхиттә үтте. Алда - яңы белемдәр, ҡыҙыҡлы дәрестәр һәм онотолмаҫ мәктәп йылдары. Барығыҙға ла уңышлы уҡыу йылы теләйбеҙ!