1 сентябрь - белем, дуҫлыҡ һәм асыштар көнө

1 сентябрь көнө 7-се мәктәп, капиталь ремонттан һуң, уҡыусыларҙы яңынан ҡаршы алды. Быйыл яңыртылған бинала 777 бала белем аласаҡ. Тантаналы линейкаға мәктәп директоры Елена Вяхирева яңы уҡыу йылы менән ҡотлап, уҡыусыларға уңыштар теләне. 

- Яңыртылған уҡыу шарттары уҡыусыларыбыҙҙың белем һәм тәрбиә  сифатын күтәрергә мөмкинлек бирер, тип ышанабыҙ. Барығыҙҙы ла яңы уҡыу йылы башланыуы менән ҡотлайым! Ижади уңыштар, спорт рекордтары,  яңы еңеүҙәр теләйем. 1-се класс уҡыусыһы Андрей Курмаев, былай ти: "Барыһы ла яҡшы булыуын, һәр кемдең  дәрескә йөрөргә һәм бишлегә генә уҡырға теләге булһын". Уның класташы Әминә Яҡупова ла мәктәпкә әҙер булыуын билдәләне: "Мин инде һанай беләм, хәрефтәрҙе беләм. Беҙ бик күп дәфтәрҙәр һатып алдыҡ, мин һәм ике һеңлем бер мәктәпкә барабыҙ". Андрей һәм Әминәнең беренсе уҡытыусыһы Людмила Гламаздина, 1 «А» класы менән етәкселек итәсәк. Ул 28 сабыйға белем бирәсәк. "Алдыбыҙҙа күп эш, барыһын да өйрәтергә, сифатлы белем бирергә кәрәк", - ти ул. Мәктәп  линейкаһында Салауат хакимиәте башлығы Марат Зәһиҙуллин да ҡатнашты:

- Һеҙҙе үҙегеҙҙең мәктәп бинаһына ҡайтыуығыҙ менән ҡотлайым. Атаәсәләр һәм уҡытыусылар капиталь ремонт буйынса эштең ни тиклем ғәйәт ҙур булыуын яҡшы  Аңлай. Барыһы ла һеҙҙең өсөн эшләнгән, һеҙгә яҡшы белем алырға, үҙ мәктәбегеҙҙе, ҡалағыҙҙы һәм илегеҙҙе яратырға бөтә мөмкинлектәр булдырылған, - тине ул.

Рәсәй Федерацияһы Федераль Йыйылышының Дәүләт Думаһы депутаты Зариф Байғусҡаров  та мәктәптең яңыртылған хәлен  билдәләне. Ул президент Владимир
Путиндың мәктәпте ремонтлау буйынса ҡарарын иҫкә алып, быйыл Башҡортостанда 35 мәктәптең ремонтланғанын, шуларҙың дүртәүһенең Салауатта булыуын хәбәр итте.

1 сентябрь - Белем көнө уңайынан Салауаттағы кадет мәктәбендә лә байрам үтте. Тантаналы линейкаға кадеттар һәм уҡытыусылар йыйылды. Быйыл мәктәпкә 64 беренсе класс уҡыусыһы килде, уларға Татьяна Забродина һәм Дилара Крымбаева етәкселек итә. - Рәсәй кадеттар рәтенә ҡушылған беренсе класс уҡыусыларына  Барыһы ла яҡшы булыуын теләйем, - тине мәктәп директоры Виталий Шарапов, ә һуңынан йәш кадеттарҙың атаәсәләренә мөрәжәғәт итте. - Ҡотлайым: һеҙ яңынан  Мәктәпкә барҙығыҙ, дәрестәрегеҙ һәм өй эштәрегеҙ буласаҡ.
Мәктәптә "Мәктәп мәғариф системаларын модернизациялау" федераль программаһы сиктәрендә ремонт үтте. Белем көнөнә кадеттар яңы автобус алды, уны Башҡортостан Республикаһы Башлығы Радий Хәбиров тапшырҙы. Шулай уҡ, "Газпромнефтехим Салауат" компанияһы вәкилдәре физик культура менән шөғөлләнеү өсөн майҙансыҡ бүләк итте.
Уҡыусыларҙы һәм уҡытыусыларҙы Салауат хакимиәте башлығы Марат Зәһиҙуллин, Рәсәй Федерацияһы  Дәүләт Думаһы депутаты Зариф Байғусҡаров һәм ҡала прокуроры урынбаҫары Александр Стрельников ҡотланы.

Зариф Байғусҡаров мәктәп  директоры Виталий Шараповҡа һәм директорҙың административ-хужалыҡ эштәре буйынса урынбаҫары Варвара Андрееваға Рәсәй Федерацияһы Дәүләт Думаһының рәхмәт хаттарын тапшырҙы.
Ҡала советы депутаты 1 сентябрҙә МХО-ла ҡатнашыусының улын мәктәпкә оҙатты. Депутат Артур Ғәлимовтың был изге эше, моғайын, башҡалар өсөн дә өлгө булыр. Ул махсус хәрби операцияла ҡатнашыусыларҙың ғаиләләренә, уларҙың балаларына дәүләттең иғтибарлы булыуын күрһәтә. Даяндың атаһы, тыуған илен яҡлап, хәүефле зонала хеҙмәт иткәндә, уның улына шундай хөрмәт күрһәтелеүе, әлбиттә, ғаилә өсөн ҙур ҡеүәт сығанағы булып тора.
- Ҡасандыр ирем дә кадет булырға хыялланған, әммә икенсе мәктәптә уҡый. Һуңынан әрме хеҙмәт үтә. Махсус хәрби операция башланғас, контракт төҙөргә ҡарар итә. Уның кадет булыу теләге, күрәһең, Даянға күскән, - тип билдәләй малайҙың әсәһе Гөлнур Шаһаутдинова.
Ата-әсә хыялы, уларҙың тормош юлдары балаларға йоғонто яһай, уларҙың киләсәккә ниндәй маҡсаттар ҡуйыуын билдәләй. Ғаиләлә тағы ла бер буласаҡ кадет
- дүрт йәшлек Рамаҙан үҫә. Туғандары малайҙың киләсәктә өлкән ағаһы эҙенән барыуын һәм шулай уҡ кадет мәктәбенә уҡырға инеүен теләй. Кадет мәктәбе
- ул бары тик белем алыу урыны ғына түгел, ә киләсәк яҡлаусыларын, ирегеттәрҙе тәрбиәләүсе урын. Ундағы тәртип, дисциплина, бер-береңә ярҙам итеү рухы - быларҙың барыһы ла кешенең шәхес булып формалашыуына ҙур өлөш индерә. Депутат Артур Ғәлимовтың был ғәмәле, һис шикһеҙ, йәмғиәттә яҡшылыҡ, игелек һәм бер-береңә ярҙам итеү рухын арттыра. Ул - бәләкәй генә бер ваҡиға, әммә уның артында ҙур мәғәнә ята: дәүләт үҙ граждандарын, уларҙың ғаиләләрен онотмай, уларға терәк булырға тырыша.

Салауат ҡалаһының 1-се гимназияһында ла байрамса тантана үтте. Федераль программа ярҙамында яңыртылған мәктәп бинаһында уҡыусыларҙы, уҡытыусыларҙы һәм атаәсәләрҙе яңы уҡыу йылы башланыуы менән ҡотланылар. Гимназия директоры, Рәсәй Федерацияһының атҡаҙанған мәғариф хеҙмәткәре Лариса Давыдова, үҙенең сығышында үткән уҡыу йылының еңел булмауын билдәләне. Уҡыусылар  ваҡытлыса башҡа мәктәптә уҡырға мәжбүр булған, әммә быға ҡарамаҫтан, улар үҙҙәренең юғары кимәлен раҫлап, иң яҡшылар иҫәбендә ҡалған. "Беҙ Салауат ҡалаһының иң яҡшы белем биреү учреждениеһы тигән исемде юғалтманыҡ. Дәүләт
аттестацияһы һәм олимпиадаларҙағы һөҙөмтәләребеҙ быны иҫбатлай", - тине Лариса Давыдова. Ул шулай уҡ ремонт эштәрендә ярҙам иткән власть органдарына, күҙәтеү органдарына, уҡытыусыларға һәм ата-әсәләргә рәхмәт белдерҙе.Тантаналы линейкала ҡаланың абруйлы ҡунаҡтары ла ҡатнашты. Салауат хакимиәте башлығы Марат Зәһиҙуллин, Рәсәй Федерацияһы Дәүләт Думаһы депутаты Зариф Байғусҡаров, ҡала прокуроры вазифаһын башҡарыусы Денис Саниев уҡыусыларҙы яңы уҡыу йылы менәнҡотлап, уңыштар теләнеләр. Марат Зәһиҙуллин: "Белемдең еңел һәм файҙалы бирелеүен теләйем. Хәйерле юлға!" - тип изге теләктәрен еткерҙе.
Зариф Байғусҡаров, федераль программаның нисек барлыҡҡа килеүен аңлатып, гимназистарҙың яңы шарттарҙа уҡыуына шат булыуын белдерҙе һәм киләсәктә лә улар өсөн уҡыу шарттарын яҡшыртыу өҫтөндәэшләүҙәренә вәғәҙә бирҙе. Сығышынан һуң ул Лариса Давыдоваға Рәсәй Федерацияһы Дәүләт Думаһының рәхмәт хатын тапшырҙы.
Денис Саниев беренсе класс уҡыусыларына белемгә табан тәүге аҙымдарын уңышлы яһауҙарын теләп, уҡытыусыларға балаларҙы тәрбиәләүҙәге хеҙмәттәре өсөн тәрән рәхмәт белдерҙе. Традиция буйынса, беренсе класс уҡыусыларына юғары класс уҡыусылары теләктәр менән ҡағыҙ самолеттар тапшырҙы.4

4-се мәктәп уҡыусыларҙы һәм уҡытыусыларҙы яңыртылған ҡиәфәттә ҡаршы  алды. Мәктәп директоры Светлана Турченкова уҡыу йылы башланыу менән ҡотлап,
97 беренсе класс уҡыусыһын ҙур мәктәп ғаиләһенә ҡабул итте. Ул һәр кемдең үҙендә талант асырға, йырларға, һүрәт төшөрөргә йәки спортта уңыштарға өлгәшергә
өмөтләнеүен белдерҙе.

Яңы уҡыу йылы башланыу менән бәйле 19-сы мәктәптә ҙур тантана үтте. Быйыл мәктәп ишектәрен 633 уҡыусы асты, улар араһында 57 беренсе класс уҡыусыһы бар.
Мәктәп директоры Илүзә Шәфҡәт ҡыҙы Байгилдина үҙенең сығышында атаәсәләргә рәхмәт белдерҙе һәм уҡыусыларға уңыштар теләне. "Белем байрамы һәр
ата-әсә өсөн дә иҫтәлекле. Беҙҙең уҡыусыларҙың йөҙөндәге шатлыҡ - ул һеҙҙең тырышлығығыҙ. Һеҙгә ныҡлы һаулыҡ, ә уҡыусыларға тырышып уҡырға теләйем", -
тине ул.
1 сентябрь көнө Сабина Исхаҡова, махсус хәрби операцияла ҡатнашыусының ҡыҙы, мәктәпкә барыуын бик көтә. Ул 15-се мәктәптең 1-се класында уҡый башлай.Беренсе класҡа барыусыны байрамға оҙатыу өсөн "Мираҫ" муниципаль бюджет учреждениеһы директоры Руслан Сафиканов уның өйөнә килде. Был башланғыс Башҡортостан Республикаһы Башлығы Радий Хәбиров тарафынан алдынғы һыҙыҡта Ватанды яҡлаған геройҙарҙың балаларына ярҙам итеү маҡсатында башлап ебәрелгән. Акция 2023 йылдың сентябрендә тәүге тапҡыр үткәрелә.