Дөрөҫ һөнәр һайлауымда шигем юҡ

Һөнәри оҫталыҡ конкурсының беренсе этабы 21 февралдән 27-һенә тиклем дистанцион формала үткәрелә. Уның йомғаҡтары буйынса 10 ҡатнашыусы һайлап алына. Икенсе этап 3 марттан 7-һенә тиклем Башҡортостан Республикаһының Мәғарифты үҫтереү институты һәм «Йондоҙ» мәғариф үҙәге нигеҙендә үтә. Педагогтар коррекцион дәрес, оҫталыҡ дәресе, дефектологҡа һорау (матбуғат конференцияһы) һынауҙарында ҡатнаша һәм һәр номинацияла өс конкурсант өсөн Башҡортостан Республикаһы мәғариф һәм фән министры урынбаҫары Әлфиә Ғәлиева һөнәри диалог ойоштора.

- Конкурс һынауҙары бик ауыр, әммә ҡыҙыҡлы булды. Минең өсөн иң иҫтәлекле һынауҙар төркөмсә менән логопедия дәресе, шулай уҡ «министр менән һөйләшеү», - ти Зинаида Суркина. - Һәр еңеү - команда эше һөҙөмтәһе. Һәр ваҡыт бәйләнештә булған, теләһә ҡайһы ваҡытта ярҙамға килергә әҙер булған коллегаларымдың ярҙамы һәм уларҙың миңә ышанысы көс өҫтәне.

- Ни өсөн һеҙ уҡытыусы һөнәрен һайланығыҙ? Был һөнәрҙә нисә йыл эшләйһегеҙ? Хеҙмәтегеҙҙә нимә ҡыҙыҡлы һәм ҡатмарлы?

- Мин бала саҡтан уҡ уҡытыусы булырға теләүемде белә инем. Беренсе уҡытыусым Людмила Иванова минең өсөн ысын остаз булды, ул буласаҡ һөнәр һайлауға йоғонто яһаны. Һөнәрем буйынса 22 йыл эшләйем. Минеңсә, уҡытыусы-логопед һөнәре шул тиклем күп яҡлы, ул даими рәүештә яңы нәмәгә өйрәнеүҙе, яңы алымдар эҙләүҙе талап итә.

- Үҙенсәлекле балалар менән эшләү өсөн айырым мөнәсәбәт кәрәк. Эшегеҙҙә ниндәй ҡыҙыҡлы алымдар ҡулланаһығыҙ, бәлки, проекттарығыҙ, идеяларығыҙ барҙыр?

- Ваҡыт үтеү менән мин педагог булып тыумауҙарын, ә даими рәүештә белем алыу, үҙ-үҙеңде үҫтереү, үҙ оҫталығыңды камиллаштырыу менән шөғөлләнеп һөнәри оҫталыҡты үҫтереү мөмкин аңланым.
Беҙҙең мәктәптә һаулыҡ мөмкинлектәре сикләнгән балалар уҡый. Телмәр боҙолоу кимәлен билдәләү, коррекцион эште дөрөҫ ойоштороу телмәр үҫешендә артабанғы тайпылыштарҙы иҫкәртеүгә һәм телмәрҙе формалаштырыуға булышлыҡ итә. Үҙ эшемдә һәр баланың шәхси үҙенсәлектәрен иҫәпкә алам. Ә уңыштарҙың һөҙөмтәһе күп хеҙмәт, сабырлыҡ, маҡсатҡа ынтылыш, коллегалар һәм ата-әсәләр менән берҙәм эшләүгә бәйле.

- Ниндәй мәлдәрҙә тырышлығығыҙ бушҡа түгеллеген, үҙ урынығыҙҙа булыуығыҙҙы тояһығыҙ?

- Дөрөҫ һөнәри юл һайлағанмын, тип ышаныслы әйтә алам. Әгәр балалар дәрестәргә теләп йөрөй икән, тимәк, барыһын да дөрөҫ эшләйем. Иң мөһиме, үҙ хеҙмәтемдең емештәрен күрәм. Беҙҙең тәрбиәләнеүселәрҙе тормошта төрлө юлдар көтә, әммә уларға мотлаҡ грамоталы телмәр кәрәк буласаҡ.

- Конкурста еңеү һеҙҙең өсөн нимә аңлата?

- Минең өсөн бындай кимәлдәге конкурста еңеү - ул профессиональ үҫеш өсөн этәргес. Конкурста ҡатнашыу эшенә яңы яҡтан ҡарарға һәм педагогик эшмәкәрлектең яңы офоҡтарын файҙаланырға мөмкинлек бирә. Шулай уҡ яңы танышыуҙар, республикаһының башҡа ҡала, райондарынан коллегалар менән тәжрибә уртаҡлашыу.

- Мәктәптән тыш ниндәй шөғөлдәрегеҙ бар?

- Бөтә буш ваҡытымды балаларыма бағышларға тырышам. Бергәләп сәйәхәт итәбеҙ, театрҙарға, концерттарға йөрөйбөҙ. Бала саҡтан уҡ уҡырға яраттым, уҡығанда ял итәм.
- Артабанғы маҡсаттарығыҙ?

- Педагогтың профессиональ юлы оҙайлы һәм өҙлөкһөҙ процесс, шуға күрә педагогик оҫталыҡҡа өлгәшеү өсөн эшләргә лә эшләргә.

Зинаида Сурикова фотолары.