+15 °С
Облачно
Көнүҙәк
15 Мая , 10:16
33 меңгә төшкән дәрес
Кумертау ҡалаһында 45 йәшлек ишетеү һәләте сикләнгән ҡатын полицияға билдәһеҙ кешенең, ым-ишара телен өйрәнеү буйынса курс һатыу һылтауы менән, уның банк картаһы мәғлүмәттәрен һәм шәхси кабинетҡа инеү кодтарын алдап белешкәнен хәбәр иткән. Ошонан һуң мутлашыусы аҡсаларҙы үҙ иҫәбенә күсергән.
33 меңгә төшкән дәрес
12 майҙа енәйәтсе банкомат аша 30 меңдән ашыу аҡсаны алған, шулай уҡ банк аша 5 меңдән ашыу аҡсаны күсереүгә ынтылған, ләкин банктың хәүефһеҙлек хеҙмәте быны туҡтатҡан.
Полиция хеҙмәткәрҙәре әлеге ваҡытта енәйәтсене эҙләй. Ошо факт буйынса енәйәт эше асылған.
БР буйынса Эске эштәр министрлығы иҫкәртә: банк, маркетплейс йәки тауар һатыусылар бер ваҡытта ла карта мәғлүмәттәрен, шәхси кабинет паролдәрен йәки СМС-кодтарҙы һорамай!
Әгәр кемдер ошо мәғлүмәттәрҙе һорай икән - был мутлашыусы. Шунда уҡ аралашыуҙы туҡтатығыҙ һәм полицияға 102 телефоны буйынса хәбәр итегеҙ.