Салауатта балиғ булмаған йәйәүлене бәрҙергәндәр

Уҙған аҙнала Губкин урамындағы 9-сы йорт янында юл-транспорт ваҡиғаһы теркәлә. Автомобиль водителе юлды тәғәйенләнмәгән урында сыҡҡан йәйәүлене бәрҙерә. Үҫмер, медицина ярҙамы күрһәткәндән һуң, дауаханаға оҙатылған.

Салауат дәүләт автоинспекцияһы иҫкә төшөрә: тейешһеҙ урында юл аша сығыу - ул 500 һумдан 1500 һумға тиклем штраф һалыуҙы күҙ уңында тотҡан административ хоҡуҡ боҙоу ғына түгел, һаулыҡҡа йәки хатта ғүмергә хәүеф тә. Юлдарҙағы хәүефһеҙлек юл хәрәкәтендә ҡатнашыусының һәр ҡайыһына бәйле.

Фото: Салауат дәүләт автоинспекцияһынан.

Автор: Дина Галеева

Читайте нас