Сәскә һулый, ярҙам ҡала

Башҡортостанда уҡыусыларға 1 сентябргә сәскәләр һатып алыу урынына Өфө хосписына ярҙам итергә тәҡдим иттеләр.

Хәйриә акцияһының асылы - уҡытыусыға уҡыу йылы башында кластан бер букет бүләк итеү, ә ҡалған аҡсаны Өфө хосписында тәрбиәләнеүселәргә - онкология, генетик һәм неврологик сирле балаларға ярҙамға йүнәлтеү.

Акцияла ҡатнашыу ауыр түгел. Класс исеменән бер гөлләмә йәки һуңынан бер букетҡа йыйыу өсөн һәр уҡыусынан берәр сәскә килтерергә һөйләшергә. Был башланғыс менән уҡытыусы ла, ата-әсәләр һәм уҡыусылар ҙа сығырға мөмкин. “Балалар сәскәләр урынына” порталында форманы тултырырға. Йыйылған аҡсаларҙы Өфө хосписында тәрбиәләнеүселәргә ярҙамға күсерергә. Тағы ла һорауҙарығыҙ ҡалһа, Өфө хосписы хеҙмәткәрҙәре менән 89272379852 телефоны буйынса бәйләнешкә сығырға мөмкин.

Социаль селтәрҙәрҙә фотоһүрәттәр менән бүлешеп, хәйриә акцияһы  тураһында һөйләргә лә мөмкин. Шулай булһа, был сара хаҡында күберәк кеше белер, һеҙҙән миҫал алырҙар ине. Социаль селтәрҙәр өсөн хештегтар: #вашапомощьнезавянет #детивместоцветов #уфимскийхоспис.

Фото: "Өфө хосписы" хәйриә фондынан.