20 апрелдә, һөнәри байрамдары алдынан, 36-сы янғын һүндереү часында тантаналы сара уҙҙы һәм унда Рәсәй Ғәҙәттән тыш хәлдәр министрлығының Башҡортостан Республикаһы буйынса Баш идаралығы начальнигы Марат Латипов ҡатнашты.
- Янғын һағы көнө менән ҡотлайым. Салауат ҡалаһы янғын һағының бөтә төрҙәре: килешеү, федераль, муниципаль һәм бөтә Рәсәй буйынса ғәмәлдәге ведомство төрө менән дан тота. Беҙ берҙәм ғаилә кеүек. Ветерандарға рәхмәт, бүлексәләргә килеп, йәштәргә тәжрибәгеҙ менән уртаҡлашаһығыҙ, - тип мөрәжәғәт итте Марат Латипов.
Эшләп йөрөүсе янғын һүндереүселәрҙе һәм ветерандарҙы иҫтәлекле наградалар менән бүләкләнеләр. Тантаналы сараны «Беҙҙең заман геройҙарына: янғын һүндереүселәргә һәм ҡотҡарыусыларға» барельефын
асыу дауам итте.
- Иҫләйем, элек бында кирбес киҫәктәре ята ине, ә хәҙер был бик матур урын. Арт-объектты һеҙ үҙегеҙҙең көс менән булдырҙығыҙ, ҡотлайым, - тине Марат Латипов.
Иҫегеҙгә төшөрөп уҙабыҙ, арт-объект 2022 йылдың ҡышында ҡуйылды. Салауат янғын һүндереүселәренең көндәлек батырлығын мәңгеләштереү башланғысы менән ҡала янғын һүндереүсе һәм ҡотҡарыусы ветерандар
советы рәйесе Илдар Зөбәйеров сығыш яһай.
- Янғын һүндереү часы ҡаршыһында иҫтәлекле аллея булдырыу уйы бар ине, проектты ла эшләнек, әммә уны тормошҡа ашырыу өсөн етди финанслау кәрәк. Шуның өсөн үҙебеҙҙең көс менән ошо арт-объектты булдырырға ҡарар иттек. Рәссам Андрей Чемакин эскиз эшләне. «Гражданка»ла эшләүсе егеттәребеҙ Владимир Волков һәм Леонид Евдокимов финанс яҡтан ярҙам итте. Бында янғын һүндереү часының шәхси составы ла ҡатнашты, - тип һөйләй Илдар Зөбәйеров. - Былтыр тағы ла бер нисә проектты тормошҡа ашырҙыҡ, Салауат ҡалаһы янғын һағының 70 йыллыҡ юбилейын билдәләгәндә 36-сы янғын һүндереү часында янғын һүндереү мотоциклын, Ағиҙел ылғаһы яры буйындағы авария-ҡотҡарыу станцияһы янында янғын һүндереү машинаһын ҡуйҙыҡ, станцияның ҡоймаларын рәссамдар тематикалы һүрәттәр менән биҙәне.
Янғын һүндереүселәр киләсәккә яңы проекттарҙы ла планлаштыра. Илдар Зөбәйеров һүҙҙәренсә, 36- сы янғын һүндереү часының икенсе ҡатында урынлашҡанмузей киңәйәсәк. Унда йыш ҡына мәктәп уҡыусылары
һәм студенттар килә, ә ут менән көрәшеүселәр уларҙы үҙҙәренең көндәлек эше менән таныштыра.
Алена БИЗИКИНА фотоһы.