Төҙөкләндереү эштәре нисек бара?

Ҡала дауаханаһының баш табибы Азат Ҡотоев төҙөлөш майҙанына килеп, эштәрҙең барышын шәхсән күҙәтте. Ул подрядсыларҙың эшенә баһа биреп, төп иғтибарын пациенттар өсөн уңайлылыҡтарға йүнәлтте.
- Беҙ навигация системаһын ентекләп тикшерҙек. Кешеләргә поликлиника эсендә йөрөү еңел булһын өсөн, күрһәткестәрҙе аңлайышлы итергә тырышабыҙ. Әлегә ҡайһы бер ваҡ-төйәк етешһеҙлектәр бар, уларҙы тиҙ арала төҙәтәсәкбеҙ, - тине Азат Ҡотоев.
Алдыбыҙҙағы төп бурыс - бүлексәләрҙе сифатлы итеп йыһазландырыу һәм уларҙы пациенттарҙы ҡабул итергә әҙерләү. Баш табип билдәләүенсә, төп маҡсат - медицина хеҙмәткәрҙәре һәм килеүселәр өсөн заманса, хәүефһеҙ һәм уңайлы мөхит булдырыу.