Эшкә килеп, миллион һум ал

Әлеге ваҡытта ҡала дауаханаларына 62 врач һәм 69 шәфҡәт туташы кәрәк.
Беренсе сара - 1 миллион һум күләмендә бер тапҡыр бирелә торған социаль түләү, ул эшкә урынлашҡандан һуң ай һайын 20 000 һум күләмендә өлөшләтә түләнә.
Икенсе сара - Салауат ҡала дауаханаһына эшкә урынлашасаҡ табиптарға торлаҡ биреү. Тейешле ҡарар ҡабул ителде һәм ҡала хакимиәтенең сайтында урынлаштырылды.
- Врачтарҙың иңендә ғәйәт ҙур яуаплылыҡ ятыуын һәм уларҙың хеҙмәтенең мөһимлеген аңлайбыҙ, шуға күрә уларға ҡулдан килгәндең барыһы менән дә ярҙам итергә әҙербеҙ, - тип билдәләне ҡала хакимиәте башлығы Марат Зәһиҙуллин.

Фото ҡала хакимиәтенән.