Александр Новак Рәсәйҙә яғыулыҡҡа хаҡтың артыуы тураһында

«Хәҙерге ваҡытта системаның логистик бәйләнештәрен ихтыяждарға ярашлы үҙгәртеп ҡороу бара. Баҙарҙы баланслау өсөн бер аҙ ваҡыт талап итәсәк», - тип аңлатты Новак ТАСС агентлығына биргән комментарийында. Шулай уҡ 26 июндә яғыулыҡ баҙарындағы хәл буйынса сираттағы кәңәшмәлә дизель экспортын тыйыу тураһында фекер алышалар.
Рәсәйҙә яғыулыҡ етешмәүе июнь башынан күҙәтелә. Әле 20-нән ашыу төбәктә АЗС-тарҙа бензин һатыуға сикләүҙәр индерелгән. Александр Новак баҙарҙағы хәлде ауыр, әммә контролдә тотола тип баһалай. Ул Севастополгә, Ҡырымға, Калининградҡа һәм Алыҫ Көнсығышҡа айырыуса иғтибар бүленеүен белдерҙе.
Бынан тыш, эре нефть компаниялары элек файҙаланылмаған резервтарҙы ла йәлеп итә. Яғыулыҡ баҙарындағы хәл буйынса ултырышта вице-премьер логистикаһы тәбиғи һәм миҙгелле факторҙарға бәйле булған төбәктәргә яғыулыҡты өҫтөнлөклө тәьмин итеүҙе тәьмин итергә ҡушты.

https://www.kommersant.ru/doc/8765541?ysclid=mqunimjxh6953206245