Ышаныслы тыл булдырған хеҙмәт батырҙары

2025 йылда Бөйөк Ватан һуғышында Еңеүҙең 80 йылы билдәләнә һәм был юбилей беҙгә Ватаныбыҙ азатлығы өсөн көрәшкән һәм тылда хеҙмәт батырлығы менән көтөлгән Еңеү көнөн яҡынайтҡан ата-бабаларыбыҙҙың ҡаһарманлығы һәм батырлығы тураһында иҫкә төшөрә. Тарихи-тыуған яҡты өйрәнеү музейында үткән миҙалдар тапшырыу тантанаһы һынауҙарҙан һындырылмаған, үҙҙәре иҫән ҡалған һәм илде ҡотҡарыу өсөн мөмкин булғандың барыһын да эшләгән тыл хеҙмәтсәндәренең бөйөк быуынына тәрән хөрмәт күрһәтеү булды.

- Быйылғы иң мөһим ваҡиға - Бөйөк Еңеүҙең 80 йыллығы. Был ваҡиғаға алдан әҙерлек бара. Салауат ҡалаһы биләмәһендә бөгөнгө көнгә 6 Бөйөк Ватан һуғышы ветераны бар, Еңеү парадына килеп йәштәрҙең сафтан атлап үтеүен, Үлемһеҙ полкты ҡарай алыр, тип ышанабыҙ. Ҡалала 187 тыл хеҙмәтсәне йәшәй һәм тағы ла бер категория бар - 1927 йылдан 1945 йылдың 2 сентябренә тиклем тыуған һуғыш балалары, Салауатта улар - 4 909 кеше. Бына шундай Еңеү яулаусыларҙың ҡеүәтле армияһы беҙҙә. Хөрмәтле тыл хеҙмәтсәндәре, хеҙмәтегеҙ өсөн алдығыҙҙа баш эйәһегеҙ, сөнки тылдың еңеүгә индергән өлөшө бик ҙур, - тине үҙ сығышында хакимиәт башлығы урынбаҫары Олеся Арестова.

Был көндө юбилей миҙалдары Валентина Кашкинаға, Мария Клеменковаға, Александра Леоноваға, Ғәзизйән Мәмлиевҡа, Антонина Малаховаға, Мария Маличенкоға, Ксения Мельникҡа, Варвара Мельниковаға, Анастасия Сафикановаға, Фәниә Сафиҡановаға, Иван Сигидаға, Рәмилә Фәхриеваға тапшырылды. Уларҙың барыһы ла осрашыуҙа ҡатнаша алманы, миҙалдарҙы улар өсөн яҡындары алды.

- Бөйөк Ватан һуғышы ваҡытында илдең ышаныслы тылы була. Бөтә ауырлыҡтарға ҡарамаҫтан, улар илебеҙ еңеү яулауы өсөн бөтә көсөн һала. Илебеҙ кешеләрендә Тыуған илгә булған һөйөү ныҡ көслө, шуға күрә беҙ еңгәнбеҙҙер ҙә. Бөгөнгө көндә махсус хәрби операцияла булған яугирҙар ата-бабаларыбыҙҙың батырлығын ҡабатлай. Бөйөк Еңеү байрамы алдынан һеҙгә рухи көстәр теләйем, - тине ҡала Советы депутаты, «Ватанды Һаҡлаусылар» махсус хәрби операцияһында ҡатнашыусыларға ярҙам фонды филиалының социаль координаторы Сергей Данилов.

Юбилей миҙалы һуғыш геройҙары, тыл хеҙмәтсәндәре, блокада һәм концлагерь ауырлыҡтарын кисергәндәр тураһында хәтер символы булып тора.

- Ошондай ҡояшлы яҙғы көндә Ватанды һаҡлаусыларҙың төрлө быуынының Салауат музейында йыйылыуы бик ҡыуаныслы. Йәштәр тарихты белергә һәм хөрмәт итеп һаҡларға тейеш, - тип билдәләне «Мираҫ» учреждениеһы директоры Руслан Сафиканов.

Һуғыш, хеҙмәт, ҡораллы көстәр һәм хоҡуҡ һаҡлау органдары ветерандары советы рәйесе Гүзәл Хөснуллина ветерандарға, илдең хәҙерге яҡлаусыларына оло ихтирамын, шулай уҡ хакимиәт вәкилдәренә, музей хеҙмәткәрҙәренә өлкән, еңеүселәр быуынына иғтибар һәм хөрмәт күрһәткәндәре өсөн рәхмәт белдерҙе.

- Беҙҙең быуын шул ауыр һуғыш йылдарының шаһиты. Беҙ фронтҡа киткәндәрҙе алмаштырҙыҡ, олатайҙар, өләсәйҙәр, малайҙар, ҡыҙҙар, ҡатын-ҡыҙҙар колхоз производствоһының күп бурыстарын үҙ өҫтөнә алды. Эш күп, эшләүселәр етмәй. Мәскәүҙән һәм Мәскәү өлкәһенән эвакуацияланғандарҙы алып килделәр, улар менән бергә эшкә йөрөнөк. Кистәрен ойоҡбаштар, бейәләйҙәр ҙә бәйләнеләр, бөтәһе лә фронт өсөн, еңеү өсөн ине. 18 йәштән ағас әҙерләү эштәрен башҡара башланым. Армиянан һуң утыҙ йыл мин комбинаттың бер цехында эшләнем. Өйләндем, ике балабыҙ бар, 116-сы кварталда үҙ йортобоҙҙо һалдыҡ һәм бына инде ҡатыным менән 68 йыл бергә йәшәйбеҙ, - тип һөйләй тыл хеҙмәтсәндәренең береһе Ғәзизйән Мәмлиев.

Осрашыуҙа ҡатнашыусылар өсөн музыкаль бүләк тә әҙерләнгәйне. «Юлдаш» ҡурайсылар ансамбле «Любизар», «Байыҡ» башҡорт халыҡ көйҙәрен башҡарҙы. Балалар музыка мәктәбе уҡыусылары Зарина Насырованы «Мин фәрештә булып остом», Дмитрий Харитонюк «Кумпарсито», Амелия Ғәниева «Онотмағыҙ» һәм «Мираҫ» татар фольклор ансамбле «Һалдат моңо» йыр-көйҙәре менән сығыш яһаны.