Йондоҙнамә (11-17 ноябрь)

Ҡуҙы (21.03-20.04) Ҡуҙылар өсөн был аҙна, бигерәк тә уның тәүге яртыһы, ғаилә мөнәсәбәттәрен нығытыу өсөн һәйбәт буласаҡ. Мираҫ һорауы ла хәл ителер. Күп аҡса туҙҙырмағыҙ. Насар ғәҙәттәрҙән арынырға кәрәклеген аңларһығыҙ.

Буға (21.04-21.05)

Ял хыялда ғына булыр. Эшегеҙҙең күплегенән яҡындарығыҙға ла иғтибарҙы әҙ бүлерһегеҙ. Ә улар һеҙгә һәр яҡлап ярҙам итергә тырышыр. Юридик мәсьәләләрҙе ҡалдырып тороғоҙ. Һеҙҙе ҡунаҡҡа саҡырырҙар.

Игеҙәктәр (22.05-21.06)

Көн графигын тәртипкә һалығыҙ. Юғиһә, бер нигә лә өлгөрөшә алмаҫһығыҙ. Бөтөнләй ят кешенең һеҙгә ныҡыш рәүештә бәйләнеүен тойорһоғоҙ. Һаулыҡ, сәләмәт туҡланыу менән шөғөлләнергә тура килер.

Ҡыҫала (22.06-23.07)

Дәрт-дарманығыҙ ташып торор. Был арала төрлө спорт, ижади ярыштарҙа үҙегеҙҙе һынап ҡарай алаһығыҙ. Мөхәббәтлеләр романтикаға ынтылыр. Буш ваҡытта концерт, театрға барыу, ял көндәрен ҡаланан ситтә үткәреү хәйерле.

Арыҫлан (24.07-23.08)

Был аҙнаға әллә ни күп эш планлаштырмағыҙ. Төп иғтибар йорт мәшәғәттәренә йүнәлтелһен. Икенсе яртығыҙ менән ҙур әйбер һатып алыу ҡарарын ҡабул итерһегеҙ. Һалҡын тейеүҙән һаҡланығыҙ.

Ҡыҙ (24.08-23.09)

Дуҫтарығыҙ, яҡындарғыҙ араһында ярҙам һораусылар күп булыр. Баш тартмағыҙ. Йәштәрҙең уҡыуы шәп барыр. Һөйгәнегеҙ менән аралар һыуынып алыр. Ҡулығыҙға килеп ингән аҡсаны һаҡлауға һалып ҡуйығыҙ.

Үлсәү (24.09-23.10)

Матди хәлегеҙҙе яҡшыртыу йәһәтенән һеҙҙе бик һөҙөмтәле аҙна көтә. Эштә лә үҙегеҙҙең һөнәри яҡтан бик һәйбәт итеп белгертерһегеҙ. Тик ғаиләлә дауыл ҡубырға торғандай. Хроник сирҙәр үҙен һиҙҙерер.

Саян (24.10-22.11)

Саяндарҙың иң изге теләктәре тормошҡа ашыр. Бының өсөн конкрет аҙымдар яһарға кәрәк булыр. Күптән күрешмәгән дуҫтарығыҙ менән осрашырһығыҙ. Йорт эштәрен икенсе яртығыҙ үҙ өҫтөнә алыр.

Уҡсы (23.11-21.12)

Уҡсыларҙы борсоған һорауҙар күп булыр, әммә барыһына ла яуап таба алмаҫһығыҙ. Күңел тыныслығы өсөн йогаға ҡыҙыҡһыныу уяныр. Ювилер биҙәүестәр һатып алырһығыҙ. Йәрәхәт алыу ихтималлығы юғары.

Ылаҡ (22.12-20.01)

Яңы, ғәҙәти булмаған шөғөлгә ынтылырһығыҙ. Ә төп эшегеҙгә һүлпән ҡарай башларһығыҙ. Яңы дуҫтар ҙа табырһығыҙ. Ял көндәренә имиджығыҙҙы үҙгәртеү теләге уяныр. Кеше һүҙенә артыҡ иғтибар итмәгеҙ.

Һыуғояр (21.01-19.02)

Һеҙҙең эштә абруйығыҙ күтәрелер. Хатта юғарыраҡ вазифа биләргә тәҡдим итерҙәр. Руль артында үтә лә иғтибарлы йөрөгөҙ. Балаларға бәйле проблемаларҙы хәл итерһегеҙ. Яҡындарығыҙҙы үпкәләтә күрмәгеҙ.

Балыҡ (20.02-20.03)

Аҙна бик ҡатмарлы булмаҫ. Әммә шәхси тормошоғоҙҙа бер-ике сетерекле һорауҙы хәл итергә тура килер. Сәйәхәт өсөн уңышлы мәл. Һеҙгә психолог булырға ла тура килер - күңелендәген һөйләргә теләүселәр күп булыр.

Читайте нас:

Телефон

8(34763) 320392

Электрон почта

[email protected]

Адресы

453260, Республика Башкортостан, г. Салават, пр. Нефтяников, 29

Реклама хеҙмәте

8(34763) 320392

Редакция

8(34763) 320392

Ҡабул итеү бүлмәһе

8(34763) 320392

Хеҙмәттәшлек

8(34763) 320392

Кадрҙар бүлеге

8(34763) 327714