Йондоҙҙар юрауына күҙ һалайыҡ!

Аҙна башланып та китте. Был осорҙа нимә көтә беҙҙе - барыһы ла аҙналыҡ йондоҙнамәлә.

Йондоҙнамә

(14-20 октябрь)

Ҡуҙы (21.03-20.04)

Маҡсаттарығыҙға ирешеүҙә бер ниндәй ҙә ҡаршылыҡтар осрамаҫ. Ғаилә ағзаларының, дуҫтарығыҙҙың ярҙамына өмөт итә алаһығыҙ. Тик аҡсағыҙҙы елгә осормағыҙ. Йөрәк менән бәйле күнекмәләр бик килешер.

Буға (21.04-21.05)

Буғалар үҙҙәренең тормош сифатын яҡшыртыуға ынтылыр. Был йүнәлештә ололарҙың кәңәштәре бик отошло булыр. Күңел асыу сараларына саҡырыу алырһығыҙ. Тик майлы аштарҙан, спиртлы эсемлектәрҙән тыйылығыҙ.

Игеҙәктәр (22.05-21.06)

Әллә ниндәй сағыу ваҡиғалар көтмәгеҙ. Шулай ҙа үҙегеҙ өсөн яңы шөғөл табырһығыҙ. Финанс ауырлыҡ кисерһәгеҙ ҙә, кредит алыу тураһында уйламағыҙ. Һөйгәнегеҙ менән һүҙгә килешерһегеҙ.

Ҡыҫала (22.06-23.07)

Ҡыҫалалар мөһим хәлдәр уртаһында ҡайнар. Әһәмиәтле бурыс йөкмәтерҙәр. Шулай ҙа ғаиләгеҙ хаҡында онотоп ташламағыҙ, бигерәк тә балаларығыҙҙы күҙ уңынан ысҡындырмағыҙ. Кеҫәгеҙ ҡалынайып ҡалыр.

Арыҫлан (24.07-23.08)

Үҙегеҙҙе аҡыллы, эшлекле кеше икәнегеҙҙе күрһәтеү форсаты сығыр. Тик артыҡ ҡыланмағыҙ. Башҡа йәһәттән барыһы ла һәүетемсә барыр. Диетаға ултырыу ныҡлы тырышлыҡ талап итер.

Ҡыҙ (24.08-23.09)

Абруйлы кеше менән танышып, уның ярҙамында билдәле бер уңышҡа ирешерһегеҙ. Икенсе яртығыҙға күберәк иғтибар бүлегеҙ, юғиһә, арығыҙҙа өсөнсө кеше барлыҡҡа килер. Алданыуҙан һаҡланығыҙ.

Үлсәү (24.09-23.10)

Бер нисә проблеманы хәл итергә тура килер. Аҡса дефициты һиҙелер. Интернетта таныш булмаған кешеләр менән аралашмау хәйерлерәк. Балаларығыҙ өсөн әҙерәк борсолоп алырһығыҙ.

Саян (24.10-22.11)

Эштә үҙегеҙҙе һөнәри яҡтан яҡшы итеп күрһәтергә кәрәк булыр, тикшереү менән килеп төшөрҙәр. Яңы таныштарығыҙ араһында һеҙгә ғашиҡ булыусылар табылыр. Ҡыҫҡа сәйәхәткә юлланырһығыҙ.

Уҡсы (23.11-21.12)

Ауырлыҡтар килеп сығыр, әммә улар ваҡытлыса булыр. Көс-ғәйрәтегеҙҙең түбәнәйеүен һиҙерһегеҙ, шуға тәбиғәт ҡосағына сығып, тыныс ял ойоштороғоҙ. Ғаиләгеҙҙә барыһы ла һәйбәт.

Ылаҡ (22.12-20.01)

Эш йөкләмәләрен башҡарғанда һәр яҡлап та ярҙам тойорһоғоҙ. Яҡындарығыҙ менән ҙур әйбәр һатып алыу, балаларҙың киләсәге тураһында етди һөйләшеү көтә. Дуҫтар меннә осрашыу кәйефегеҙҙе күтәрер.

Һыуғояр (21.01-19.02)

Тормошоғоҙ үҙ яйы менән тәгәрәр. Эштә генә коллегалар менән бәхәскә инеп алырһығыҙ. Яңы ҡыҙыҡһыныуҙар, яңы дуҫтар табырһығыҙ. Хроник ауырыуҙар үҙен белгертер, мотлаҡ дауаханаға бырығыҙ.

Балыҡ (20.02-20.03)

Яңылыҡтар күп булыр, хатта улар төп эшегеҙҙе алып барыуға ҡамасаулар. Өлкәнерәк туғандарығыҙ менән ҡатмарлы һөйләшеүгә әҙер булығыҙ. Матди хәлегеҙ тотороҡло булыр, берәй әйбер һатып алырһығыҙ.