30 сентябрь - 6 октябрь. Бер аҙналыҡ йондоҙнамә

Ҡуҙы (21.03-20.04) Бығаса ҡалдырылып килгән эштәрегеҙҙең осона сығырға тура килер. Яҡшы таныштарығыҙ проблемаларығыҙҙы хәл итешер. Аҡса наҡыҫлығы һиҙелер, өҫтәмә эш эҙләрһегеҙ. Спирты эсемлектәр менән һаҡ булығыҙ.

Ҡуҙы (21.03-20.04)

Бығаса ҡалдырылып килгән эштәрегеҙҙең осона сығырға тура килер. Яҡшы таныштарығыҙ проблемаларығыҙҙы хәл итешер. Аҡса наҡыҫлығы һиҙелер, өҫтәмә эш эҙләрһегеҙ. Спирты эсемлектәр менән һаҡ булығыҙ.

Буға (21.04-21.05)

Әҙ генә эшләһәгеҙ ҙә, хеҙмәтегеҙ һөҙөмтәле булыр. Тик шикле кешеләрҙең ҡотҡоһона бирелмәгеҙ. Йыйып ҡуйған аҡсағыҙ булмаһа, ауырға тура килер. Был арала диета тотһағыҙ, хәл торошоғоҙҙоң яҡшырыуын тойорһоғоҙ.

Игеҙәктәр (22.05-21.06)

Хыялығыҙҙың тормошҡа ашыуына ныҡлы ышанығыҙ, шул саҡ маҡсатығыҙға ирешерһегеҙ. Кесаҙнала икенсе яртығыҙ менән мөхәббәтегеҙҙең ныҡлығына инанырһығыҙ. Көн насар булһа ла, ялда өйҙә ултырмағыҙ.

Ҡыҫала (22.06-23.07)

Дөрөҫ йүнәлеш һайлаһағыҙ, тырышһағыҙ, ниәттәрегеҙҙе тормошҡа ашыра алырһығыҙ. Әллә ниндәй ҙур пландар ҡормай, ял көндәрен көндәлек мәшәҡәттәргә арнау хәйерле. Яңғыҙҙар һөйгәнен осратыр.

Арыҫлан (24.07-23.08)

Үҙгәрештәр өсөн иң ҡулай осор. Күптән яңы эшкә күсергә уйлаған булһағыҙ, был уйығыҙ уңышлы килеп сығыр. Ғаиләгеҙҙә лә яҡшы ваҡиғалар көтөлә. Дөрөҫ итеп туҡланырға тырышығыҙ.

Ҡыҙ (24.08-23.09)

Аҙна көсөргәнешле булмаҡсы. Сөнки үҙегеҙҙең дә, яҡын кешеләрегеҙҙең дә поблемаларын хәл итергә тура килер. Балаларығыҙ менән дә уртаҡ тел табырға кәрәк буласаҡ. Йоманан башлап һеҙҙән ҡунаҡ өҙөлмәҫ.

Үлсәү (24.09-23.10)

Был арала карьера баҫҡысы буйлап үрмәләү мөмкинлеге килеп тыуыр. Бөтөнләй яңы эшкә тотоноуығыҙҙа ихтимал. Яҡындарығыҙ менән араларҙы боҙмаҫҡа кәңәш ителә. Яңы, кәрәкле әйбер һатып алырһығыҙ.

Саян (24.10-22.11)

Эштә лә, өйөгөҙҙә лә мәшәҡәтле аҙна көтә. Шулай ҙа һеҙ уларҙы еңел хәл итерһегеҙ. Водитель саяндарға руль артында ныҡ иғтибарлы булырға кәрәк. Дуҫтарығыҙ үпкәләп алыр, улар менән осрашыуға ваҡыт бүлегеҙ.

Уҡсы (23.11-21.12)

Кәйефегеҙҙе төшөрөрлөк ваҡиғалар килеп сығып торор. Бирешмәгеҙ, юғиһә, депрессияға бирелерһегеҙ. Сәйәхәткә, концертҡа барыу күңелегеҙҙе күтәрер. Бик тә булмаһа, магазиндарҙа йөрөп, яңы кейем алығыҙ.

Ылаҡ (22.12-20.01)

Эш тәүге планға сығыр. Ҡатмарлы бурыстарҙы башҡарып, һөнәри яҡтан юғары баһа алырһығыҙ. Ябығырға теләһәгеҙ, физик күнекмәләргә тотоноғоҙ. Теш врачына барырға тура килер.

Һыуғояр (21.01-19.02)

Шәхси тормошоғоҙҙағы үҙгәрештәргә әҙер булығыҙ. Яңғыҙҙар мөхәббәтен осратыр, ә парлыларҙың һөйөүе һынау аша үтер. Хәлһеҙлек тойғанда дарыуға йәбешмәгеҙ, ә үҙегеҙгә тыныс ял ойоштороғоҙ.

Балыҡ (20.02-20.03)

Һеҙ фекер белдереүҙә лә, эш башҡарыуҙа ла үҙегеҙҙе ышаныслы итеп тоторһоғоҙ. Тик хеҙмәттәштәрегеҙ менән бәхәскә инмәгеҙ. Һөйгәнегеҙ менән дә араларҙы боҙмағыҙ. Саф һауалағы ял һеҙҙең өсөн иң һәйбәте.

Читайте нас:

Телефон

8(34763) 320392

Электрон почта

[email protected]

Адресы

453260, Республика Башкортостан, г. Салават, пр. Нефтяников, 29

Реклама хеҙмәте

8(34763) 320392

Редакция

8(34763) 320392

Ҡабул итеү бүлмәһе

8(34763) 320392

Хеҙмәттәшлек

8(34763) 320392

Кадрҙар бүлеге

8(34763) 327714