Илата ла, йырлата

* Һуғандарҙы ҡаҙып алғанда тышын зарарлауҙан һаҡларға кәрәк.

* Еләҫ, асыҡ һауала киптерегеҙ.

* Һаҡларға һалыр алдынан тамырын һәм баштарын 5 см тирәһе ҡалдырып ҡырҡырға.

* Боҙола башлағандарын айырым ҡуйыу ҙа мөһим.

* Үтә күренмәле материалдарҙан тегелгән әйбергә һалырға.

* Төбөнә шарап шешәләренең бөкөһөн һалһаң, дымдан һаҡлар.

* –2-нән – +5 температурала ҡараңғы урында һаҡларға.

* Үҙгәреүсән температурала тоторға ярамай, тиҙ сереүгә килтерәсәк.

* Боҙолған һуғандарҙың тышын, насарайған урындарын алып ташлап, һутын һығып, һаҡларға һалынған һуған өҫтөнә һибергә мөмкин. Был тиҙ сереүҙән һаҡлаясаҡ.

* Шулай уҡ көҙгө, тәҙрәләрҙе йыуған һыуға һуған һуты һалһаң, улар ялтырап торор.