газета "Салауат"
+19 °С
Болотло
Бөтә яңылыҡтар
Ял сәғәтендә
13 Сентябрь 2019, 18:15

Рәхәтләнеп көлөп алайыҡ әле

Бер ир һарайында самай ҡыуа, ти. Һыуыҡ һыу алып килергә тип өйөнә инеп киткән... Бер биҙрә һалҡын һыу тотоп һарайға килеп инһә - ни күрә - ике полиция хеҙмәткәре йылмайым тора, ти.

Бер ир һарайында самай ҡыуа, ти. Һыуыҡ һыу алып килергә тип өйөнә инеп киткән...

Бер биҙрә һалҡын һыу тотоп һарайға килеп инһә - ни күрә - ике полиция хеҙмәткәре йылмайым тора, ти.

- Давай, абзый, мә, ҡағыҙ, аңлатма яҙ! - ти берәүһе.

- Нимә тип яҙайым?

- Вис кенә яҙ!

Шунан, яҙып бөткәс, полиция хеҙмәткәре нисек яҙҙы икән тип ирҙең аңлатмаһын уҡый:

“Өйҙә ултыра инем. Тәҙрәнән абайлап ҡалдым, һарайҙан төтөн сыға! Тиҙ генә биҙрәгә һыу тултырҙым да - саптым һарайға! Килеп инһәм - ике полиция хеҙмәткәре самай ҡыуа!”


***

Төн уртаһында өйөнә ҡайтып ингән ҡыҙ:

– Ааатааай, әгәр мин әхирәтемдең тыуған көнөндә булып ҡайттым икән, ниңә һин мине шунда уҡ иҫерек тип күрәһең ул?

– Мин атайың түгел, ә әсәң! Бына, атайың торһон әле!..


***

Абитуриентҡа имтихан ваҡытында һорау бирәләр:

– Һеҙ Аҡмулла менән танышмы?

– Юҡ.

– Ә Ерәнсә сәсән менән?

– Юҡ.

– Ә Салауат Юлаев, Зәки Вәлиди, Шәйехзада Бабич, Ниғмәти, Рәми Ғарипов, Мостайҙар менән?

– Юҡ.

– Барығыҙ сығығыҙ.

Сыҡҡас, ишек янында өймәлешеп торған башҡа абитуриенттар быны һырып ала:

– Ҡабул иттеләрме?

– Юҡ, бында блатың, брат-ысватың буйынса ғына ҡабул итәләр икән, - тигән була, ти.
Читайте нас: