Йондоҙҙар ни юрай икән?

26 августан 1 сентябргә тиклем йондоҙнамә.

Ҡуҙы (21.03 – 20.04)

Хеҙмәттәштәрегеҙ менән мөнәсәбәттәр киҫкенләшер. Күберәк ваҡытығыҙҙы һөйгәнегеҙ менән уҙғарығыҙ. Кемдеңдер оҙаҡ йылдар күңелендә һаҡлаған серен белерһегеҙ. Был турала бер кемгә лә өндәшмәгеҙ. Туҡланыу рационына иғтибар итегеҙ.

Буға (21.04 – 21.05)

Был аҙнала ныҡ арырһығыҙ, кәйефегеҙ ҙә бик яҡшынан булмаҫ. Икенсе яртығыҙҙың һеҙгә хыянат итеүе ихтимал. Мөһим ҡарарҙар ҡабул итмәгеҙ, документтарға ҡул ҡуймағыҙ. Сирҙең тәүге билдәләре күренеү менән табипҡа күренегеҙ.

Игеҙәктәр (22.05 – 21.06)

Был аҙнала һеҙҙе күп кенә шатлыҡлы ваҡиғалар көтә. Балаларығыҙ менән генә бер аҙ проблемалар килеп сығыр. Ситтә «роман» булдырып, һөйгәнегеҙҙе алдай күрмәгеҙ. Юғиһә, был турала барыһы ла беләсәк. Бүләк алып ҡыуанырһығыҙ.

Ҡыҫала (22.06 – 23.07)

Ғаиләгеҙҙең, дуҫтарығыҙҙың ярҙамына мохтаж булырһығыҙ. Кем менәндер араларҙы өҙөр алдынан ныҡлы уйлағыҙ. Суд эштәре һеҙҙең файҙаға тамамланасаҡ. Эш буйынса көнәркәштәрегеҙ аяҡ салырға уйлай. Матди хәлегеҙ яҡшырыр.

Арыҫлан (24.07 – 23.08)

Бөтә нәмәне лә һаҡсыллыҡ һәм иғтибар менән башҡарырға кәрәк булыр. Алдығыҙға ҡуйған маҡсаттарығыҙға еңел ирешерһегеҙ. Өҫтәмә килем сығанаҡтарын эҙләгеҙ. Хеҙмәт урынын алыштырыу өсөн уңайлы ваҡыт. Ҡыҙыҡлы тәҡдимдәр алырһығыҙ.

Ҡыҙ (24.08 – 23.09)

Эш урынынан командировкаға ебәрерҙәр. Ризалашығыҙ, ул бик отошло буласаҡ. Үрләтеүҙәре лә ихтимал. Сәләмәтлегегеҙҙе күҙ уңынан ысҡындырмағыҙ, табипҡа барыуҙы кисектермәгеҙ. Бер кем менән дә бәхәскә инмәгеҙ.

Үлсәү (24.09 – 23.10)

Ғаиләләге элекке проблемаларҙы хәл итеү мөмкинлеге тыуыр. Сәйәхәткә сығыу, мауыҡтырғыс сараларҙа ҡатнашыу өсөн уңышлы осор. Яңы кешеләр менән танышырһығыҙ. Тормош иптәшегеҙ менән аралар яҡшы. Башығыҙ ауыртып йонсотор.

Саян (24.10 – 22.11)

Юлға сыҡмағыҙ, белмәгән кешеләр менән аралашмағыҙ. Килемегеҙ кәмер. Элекке дуҫ-иптәштәрегеҙ менән осрашыу тормошоғоҙҙо бөтөнләй икенсе яҡҡа бороуы ихтимал. Күберәк ял итергә тырышығыҙ. Нервығыҙҙы һаҡлағыҙ.

Уҡсы (23.11 – 21.12)

Таяныр кешегеҙ булһа ғына, ҡатмарлы эштәргә тотоноғоҙ. Үтескә биргән аҡсағыҙҙы тиҙ арала ғына ҡайтармаҫтар. Балаларҙы тәрбиәләүгә иғтибарығыҙҙы нығыраҡ йүнәлтегеҙ. Яҡын кешегеҙ, уға ваҡытты аҙ бүлеү сәбәпле, һеҙгә үпкәләр.

Ылаҡ (22.12 – 20.01)

Тормош тәжрибәһе ҙур булғандарҙың кәңәшен инҡар итмәгеҙ. Ялдарҙы ғаиләгеҙ менән бергә үткәрегеҙ. Финанс көрсөгө кисерерһегеҙ. Әлегә күп аҡса табыу форсаты теймәй. Шаршамбы пландарығыҙ үҙәрер. Эске тауышығыҙға ғына таянығыҙ.

Һыуғояр (21.01 – 19.02)

Көс-дәртегеҙҙең артыуын һиҙерһегеҙ. Йәрәхәттәр алыу ихтималлығы ҙур. Туғандарығыҙ менән йомшағыраҡ мөғәләмәлә булығыҙ. Алынған бөтә тәҡдимдәр буйынса белгестәр менән кәңәшләшегеҙ. Шәмбе көн бүләк ҡабул итеп ҡыуанырһығыҙ.

Балыҡ (20.02 – 20.03)

Һеҙҙең өсөн бик ҡатмарлы ваҡыт. Шәхси тормошоғоҙҙа хәлдәр көйлө. Эстән өр-яңы пландар менән янаһығыҙ. Әммә уның тураһында бер кемгә лә өндәшмәгеҙ - әлегә сер булып ҡалһын. Аҡсаға ҡытлыҡ кисермәҫһегеҙ. Яңы әйбер һатып алырһығыҙ.