Алманан джем

5 алма, 100 г шәкәр, 2 ҡалаҡ крахмал, 20 г желатин.

100 мл һыуҙа желатинды иретергә. Алманың тышын әрсергә, тосын алыр­ға һәм эре ҡырғыс аша үткәрергә. Ҡырылған алманы кәстрүлгә һалырға, уның төбө көймәй торған булһа, бигерәк яҡшы. Бынан һуң алма өҫтөнә шәкәр һалып, ҡайнау хәленә еткерергә лә, алманы 40 минут самаһы талғын утта быҡты­рыр­ға. Ошо массаға һыуҙа ебетелгән крахмал ҡушып, ҡайна­тыр­ға. Эҫе иҙмәне блендер менән тағы ла иҙергә. Иләк аша ла үткәрергә мөмкин.

Желатинды микротулҡынлы ме­йес­кә ҡуйып, тулыһынса иретергә лә, алма иҙмәһенә ҡушып, бутарға. Хәҙер массаны берәй формаға һа­лып, һыуыт­ҡыс­та тоторға кәрәк. Уның өҫтө ҡурғаш ҡағыҙ менән ҡаплана. Өҫтәлгә ҡара емеш, сәтләүектәр менән бирергә була.