газета "Салауат"
+9 °С
Болотло
Бөтә яңылыҡтар
Ял сәғәтендә
13 Август 2019, 12:26

"Кубань" салаты

2 кг эре помидор, 1,5 кг баклажан, 1,2 кг кишер, 250 г һарымһаҡ, 1 әсе ҡыҙыл борос, петрушка, 0,5 л көнбағыш майы, 120 мл 9 процентлы һеркә, 2 ҡалаҡ тоҙ һәм 200 г шәкәр.

2 кг эре помидор, 1,5 кг баклажан, 1,2 кг кишер, 250 г һарымһаҡ, 1 әсе ҡыҙыл борос, петрушка, 0,5 л көнбағыш майы, 120 мл 9 процентлы һеркә, 2 ҡалаҡ тоҙ һәм 200 г шәкәр.

Кишерҙе таҙартып, ҡырғыстан ҡырырға. Помидорҙы эҫе һыуҙа бешекләп тышын һыҙырып алырға һәм ит турағыс аша үткәрергә. Әсе боросто һәм баклажанды йы­уып, шаҡмаҡлап турарға. Һа­рымһаҡты иҙергә, петрушканы ваҡларға. Бөтә компоненттарҙы бергә ҡушып, көнбағыш майы, тоҙ, шәкәр һәм һеркәнән әҙерләнгән маринад ҡойоп, утҡа ҡу­йыр­ға. Ҡайнап сыҡҡандан һуң ҡапҡасын ябып, талғын утта 45 минут самаһы быҡтырырға. Салат әҙер булғас, стерилләнгән банкаларға тултырырға һәм тимер ҡапҡас менән ябырға.


Маринадланған помидор

1 литрлыҡ банканың төбөнә петрушка, һарымһаҡ, 1 ҡалаҡ көнбағыш майы һалырға һәм дүрт өлөшкә бүленгән поми­дор­ҙарҙы тултырырға. Өҫтөнә түңәрәкләп ҡырҡылған һуған һалғандан һуң маринад ҡойорға һәм ҡапҡастарын ябырға.

Маринад өсөн: 3 л һыу, 3 ҡалаҡ тоҙ, 7 ҡалаҡ шәкәр, бөртөклө ҡара борос, лавр япрағы алына. Шуларҙы ҡайнатып сығарғандан һуң 1 стакан һеркә ҡойоп, банкалар өҫтөнә ҡойола.
Читайте нас: