газета "Салауат"
+26 °С
Болотло
Бөтә яңылыҡтар
Ял сәғәтендә
16 Апрель 2019, 11:02

Татарҙар белә, беҙ ҙә барып күрәйек

- Стәрлетамаҡ артистары Динара Йосопова менән Руслан Тимерланов беҙҙең ҡалаға концерт менән килә, имеш, ишеттеңме, әхирәт?

- Юҡсы. Кемдәр һуң улар, бер ҙә исемдәре таныш түгел.

- Ә бына Татарстанда улар сәхнә йондоҙҙарына әйләнгән, тиҙәр.

- Бәй, ут күршеләребеҙ “йондоҙ” һанағас, шәптәрҙер, моғайын.

- Мин дә шулай уйлайым. Әллә барайыҡмы концерттарына?

- Ҡасан һәм ҡайҙа була һуң тамаша?

- 17 апрелдә “Ағиҙел” мәҙәни-ял үҙәгендә була. Сәғәт киске 7-лә башлана, тип ишеттем. Билеттары бөтмәҫ борон икебеҙгә лә алып ҡуйырмын, әхирәт. Хаҡы ла 350 һум ғына икән.

- Ярай, дуҫым, концертта осрашырбыҙ улайһа. Күрәйек беҙ ҙә татарҙар оҡшатҡан Стәрле артистарын.

- Әлбиттә. Етмәһә унда сит илдән килгән мөләйем егет тә ҡатнаша. Сүл ғәрәбе булһа ла, үҙе башҡортса ла йырлай, тиҙәр.


Читайте нас: