Йәрең башҡаларға күҙ һалһа

«Егетем менән ике йылға яҡын дуҫлашып йөрөнөк. Бергә йәшәп тә алдыҡ. Йәштәрҙең күптәре шулай эшләй бит хәҙер. Дөрөҫ, әрләшһәк, икебеҙ ике яҡҡа китә, ярашһаҡ - тағы ҡауышабыҙ. Быйыл, ниһайәт, ныҡлы бергә торорға булдыҡ. Хатта мөнәсәбәттәрҙе рәсмиләштереү тураһында уйлана башланыҡ. Әммә, күптән түгел, һөйгәнемдең телефон аша башҡа ҡыҙҙар менән аралашыуын күреп ҡалдым. Унда ҡыҙҙарға матур һүҙҙәр яуҙырған, осрашырға теләге булыуын әйткән. Был минең өсөн ҙур стресс булды. Быны нисек аңлатаһың, тигәс, ул күҙен дә йоммай башҡалар менән аралашыуҙың оҡшауын, тик мине генә яратыуын, бер ҡасан да мине башҡаға алмаштырмауын белдерҙе. Нимә эшләргә кәңәш итәһегеҙ? Артабан мөнәсәбәттәр ҡороуҙың мәғәнәһе бармы?»