“Ватан”дың илһөйәрлеге иҫбатлана

Конкурстың һайлап алыу турында 130-ҙан артыҡ ойошма ҡатнаша. Һөҙөмтәлә беренсе урынды Салауат ҡалаһының “Ватан” клубы алды. Унда 250-нән ашыу кеше шөғөлләнә. Улар спорт, ижад, ирекмәнселек, эҙәрмәндәр хәрәкәтенә йәлеп ителгән. 2019 йылда “Ватан” клубы эшләп килгән “Йәштәш” үҙәге Башҡортостанда иң яҡшы йәштәр сәйәсәте учреждениеһы тип танылғайны.
Клуб тәрбиәләнеүселәре төрлө ярыштарҙа ҡатнаша. Хәҙер уларға “Эҙәрмән отрядтар йыйыны” Волга буйы федераль округы проектында ҡатнашып, тағы ла үҙҙәрен иң яҡшылар сафында булыуға лайыҡлы икәнен иҫбатларға кәрәк буласаҡ.
Эҙәрмән отрядтарға төрлө йүнәлештәге конкурстарҙа ҡатнашыу, тәжрибә менән уртаҡлашыу, дуҫтарса бәй-ләнештәрҙе яйға һалыу мөмкинлеге буласаҡ. Иң яҡшы командалар һәм уларҙың етәкселәре грамоталар һәм ҡиммәтле приздар менән бүләкләнәсәк.