Күңелдә сыңлар әле һуңғы ҡыңғырау...

Иртәгә илебеҙҙең һәр мәктәбен-дә һуңғы ҡыңғырау яңғыраясаҡ. Сығарылыш класс уҡыусыларына ғүмерҙең иң саф, иң наҙлы, ғәмһеҙ мәле - бала саҡ менән хушлашыу, шатлыҡтарҙы ла, борсолоуҙарҙы ла бергә үткән мәктәп менән һаубуллашыу мәле етте. Яҙҙың матур, йәмле көндәренең береһендә 25-се башҡорт гимназияһы үҙенең ҡарлуғастарын ҙур тормош киңлектәренә осора.

Был белем усағында быйыл 11-се класты 30 уҡыусы тамамлай. Шуларҙың 6-ауһы тик яҡшы билдәләргә генә уҡый. Уларҙың бер нисәһе менән аралашып, мәктәптәре менән хушлашыу алдынан ниндәй тәьҫораттар кисереүен, киләсәккә ниндәй пландар ҡороуын белештек.

Ринат Рафиҡов:

- Киләсәктә юғары техник белем алып сығырға уйлайым. Сөнки хәҙер бар ерҙә компьютер, интернет технологиялары белгестәре талап ителә. Ҡулыма диплом алып, тыуған ҡалама эшкә ҡайтырға ла теләк бар. Уҡытыусыларыма миңә төплө белем биргәндәре, туған телебеҙгә, халҡыбыҙға һөйөү тәрбиәләгәндәре, ата-әсәйемә һөйөүҙәре өсөн ҙур рәхмәтлемен.

Аделия Мортазина:

- Быға тиклем тик яҡшы билдәләргә генә уҡып килдем. Яҡшы уҡыуҙан тыш, төрлө түңәрәктәргә йөрөргә, активист булырға ла тырыштым. Шуға ла музыка мәктәбенең гитара класын тамамланым. Мин дә техник белем алыу өсөн юғары уҡый йортона уҡырға инергә ине. Ата-әсәйем һайлаған һөнәремде хуплай, ярҙам итә.

Тимур Нәҙерғолов:

- Миңә гимназияла тик яҡшы билдәләргә генә уҡыу әллә ни ауырлыҡтар тыуҙырманы. Әгәр баштан уҡ тырышлығыңды күрһәтәһең икән, уҡытыусылар һиңә ярҙам ҡулы һуҙырға әҙер. Алдымда - программалы инженерия һөнәрен үҙләштереү маҡсаты. Юғары белем алып ҙур ҡалала эшләргә хыялланам. Гимназиямды һәр ваҡыт иҫтә тотасаҡмын, уҡытыусыларымдың, ата-әсәйемдең йөҙҙәренә тап төшөрмәйәсәкмен.

Гүзәлиә Шәрәфетдинова:

- Мин үткән йылда «Һылыуҡай» бәйгеһендә 1-се урынға сыҡтым. Музыка мәкәбенең башҡорт фольклоры, вокал класында уҡыным. Киләсәктә лә халҡыма хеҙмәт иткем, төрлө конкурстарҙа ҡатнашҡым килә. БДМУ-ға уҡырға ине иҫәбем. Һуңғы ҡыңғырауҙы мин тулҡынланыу менән ҡаршы алам, дуҫтарым, класташтарым, уҡытыусыларым менән айырылышыуҙан күңелде һағыш баҫа.

Уҡыусыларҙың класс етәксеһе, инглиз теле уҡытыусыһы Ләйсән Зәйнетдинова менән дә һөйләшеп киттем.

- Ҡыҙ һәм егеттәребеҙ өсөн гим-назияла үткән йылдар артта ҡала. Уҡыусыларым менән һоҡланам, алда ҙур имтихандар көтә, унда улар һынатмаҫ тип уйлайым. Ун берҙәргә тура, һикәлтәһеҙ юлдар, бөтә башланғыстарында ла уңыштар теләйем, - тине Ләйсән Ринат ҡыҙы.

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

Телефон

8(34763) 320392

Электрон почта

[email protected]

Адресы

453260, Республика Башкортостан, г. Салават, пр. Нефтяников, 29

Реклама хеҙмәте