Проектта актив ҡатнашалар

Иҫегеҙгә төшөрәбеҙ, Урындағы башланғыстарға булышлыҡ итеү программаһы республика, муни-ципалитет, физик шәхестәр һәм бағымсыларҙың финанс ресурстарын берләштереп социаль әһәмиәтле проблемаларҙы хәл итеүҙә һөҙөмтәле механизм булып тора. Салауаттар программаға актив ҡушыла һәм конкурста максималь балл йыйыу өсөн мөмкин булғандың барыһын да эшләй. Сөнки конкурста еңгән хәлдә улар үҙҙәренең биләмәһен күпкә матурыраҡ, яҡшыраҡ итә аласағын аңлайҙар.
Әлеге ваҡытҡа территориаль йәмәғәт үҙидаралыҡтары ҙур күләмдә эш башҡарҙы: стендтар әҙерләне, йыйылыштар уҙғарыла, конкурстар, флешмобтар һәм төрлө ижади саралар ойошторола.
- Салауат ҡалаһы берҙәм звенола эшләй, беҙ ысынлап та берләштек. Тәүге тапҡыр конкурсҡа 38 папка алып барғайныҡ һәм барыһы ла беҙҙең ижади, системалы эшебеҙгә аптыраны. 2019 йылда беҙ - 47, ә 2020 йылда бер төрлө стилдә рәсмиләштерелгән 61 папка алып барҙыҡ, - тип һөйләй конкурсҡа инициатив ойоштороусы, 21-се мәктәп директоры Ольга Урванцева.
Урындағы башланғыстарға булыш-лыҡ итеү программаһы сиктәрендә социаль бюджетлау кешеләрҙең берләшеп конкурста ҡатнаша һәм тирә-яҡтағы мөхитте матурлай башлауы күҙ уңында тота.
- Ысынбарлыҡта шулай килеп сыға ла инде. Эйе, эш әүҙемерәк кешеләр етәкселегендә бара, иң мөһиме, һөҙөмтә бар. Мәҫәлән, былтыр беҙ 47 млн һум күләмендә субсидия алдыҡ, ул аҡса белем биреү учреждениеларын ремонтлауға, спорт майҙансыҡтары булдырыуға, юлдар һалыуға йүнәлтелде. Был бит нимәнелер үҙгәртеү өсөн өҫтәмә финанс алыуҙың яҡшы мөмкинлеге. Мәҫәлән, проектты тормошҡа ашырыуға республика 1 млн һум, муниципалитет 150 мең бирә, 100-шәр мең һумы бағымсылар менән халыҡтан. Йәғни күмәкләшеп 100 мең һум йыйып беҙ 1 млн 350 мең һумлыҡ проектты тормошҡа ашыра алабыҙ. Минеңсә, был яҡшы мөмкинлек, шуға салауаттарҙы программала актив ҡатнашырға саҡырыр инем, - ти Ольга Урванцева.
Был программа сиктәрендә Спутник ҡасабаһында йәшәүселәр ойошторған “Берҙәм” территориаль йәмәғәт үҙидаралығы Сейәле, Дан, Авангард урамдарын да яҡтыртыуҙы яҡшыртырға ниәт итә.