Төньяҡ урамдан Ленин исемендәге майҙанға тиклемге Беренсе май урамындағы эштәрҙе “Дортранстөҙөлөш” подряд ойошмаһы башҡара. Ҡала хакимиәте башлығы Игорь Миронов июнь айында уҡ эштәрҙе ҡабул итеүҙәге үҙгәрештәр тураһында хәбәр иткәйне - быйыл унда хакимиәт һәм ҡала хужалығы идаралығы хеҙмәткәрҙәре генә түгел, ә депутаттар һәм йәмәғәтселәр ҙә ҡатнаша. Уҙған аҙна юлды ҡабул итергә сыҡтылар, әммә алдан әйтелгән етешһеҙлектәрҙең барыһы ла бөтөрөлмәгән. Бер аҙна эсендә подряд ойошмаһына үҙ иҫәбенә уларҙы төҙәтергә ҡушылды.
-Ҡәнәғәт түгелмен. Төп етешһеҙлектәр бөтөрөлгән, әммә ваҡ-төйәге ҡалған. Был эштәрҙең гарантия ваҡыты күп кенә, шуға күрә подрядсы ошо ваҡыт эсендә етешһеҙлектәрҙе үҙ иҫәбенә компенсацияларға бурыслы. Бындай рәүештә юлдарҙы ҡабул итмәйбеҙ, - тине Игорь Миронов.
- Бордюр ташын һалыу буйынса дәғүәләр бар, ҡоҙоҡ-тар ныҡ аҫҡа төшөрөлгән, йә иһә асфальт менән ҡапланған һәм таҙартылмаған. Киләсәктә уларҙы техник хеҙмәтләндергәндә һалынған асфальтты емерергә тура килә-сәк. Етешһеҙлектәр бөтөрөлөр тип ышанам, - ти ҡала Советы депутаты Ольга Урванцева.
Өфө урамының Беренсе май урамынан Вокзал урамына тиклемге өлөшө лә тикшерелде. Бында “Уралбашстрой” йәм-ғиәте эшләгән.
- Әйтелгән етешһеҙлектәр бөтөрөлгән. Депутаттар һәм йәмәғәтселәр менән был участокты ҡараныҡ, уны ҡабул итә алабыҙ, - тип тикшереү һөҙөмтәләре тураһында һөйләне ҡала хужалығы идаралығы начальнигы Булат Садиҡов.
Шулай уҡ “Күп фатирлы йорттарҙағы подъездарҙы ком-плекслы ремонтлау” програм-маһы буйынса ла эштәр бары-шы тикшерелде. Быйыл беҙҙең ҡалала 29 йорттоң 102 подъезы ремонтлана. Комиссия Матро-сов бульварындағы 16-сы һәм 22-се йорттарҙа булды. Бында ингән урындағы ишектәр алыш-тырылған, энергия һаҡлаусы яҡтыртҡыстар ҡуйылған, сте-налар буялған, яңы почта йәшниктәре барлыҡҡа килгән.
- Былтыр подрядсылар яуапһыҙыраҡ ине. Мин Калинин һәм Ленин урамдарындағы йорттар подъездарын контролдә тоттом. Эшселәр ҡабат-ҡабат башҡарҙы эштәрҙе. Бында ла ҙур булмаған дәғүәләр бар барлыҡҡа. Теләк булғанда, уларҙы ике-сәғәт эсендә бөтө-рөргә мөмкин. Йорттарҙа йәшәү-селәргә шуны әйтер инем: беҙ эштәрҙе контролдә тотабыҙ, подрядсы үҙ эшен башҡара, ә һеҙ булған матурлыҡты һаҡлай белегеҙ, - ти Ольга Урванцева.
- Подъездар октябрь аҙағына тиклем ремонтланып бөтөргә тейеш. Һәр подъезда етешһеҙлектәр арҡаһында тотҡарланырға тура килһә, уларҙы ваҡытында тапшырып өлгөрмәү ихтималлығы бар. Шуға күрә подрядсы ваҡытында сифатлы итеп эшләһен ине, - ти Игорь Геннадьевич.