Таҙалыҡ - сәләмәтлек нигеҙе

Беҙҙең ҡалала бындай өмәләрҙең тәүгеһе мартта үтте. Ҡала халҡы урамдарҙы, парк һәм ихаталарҙы тәртипкә килтерҙе. Өмәләрҙең даими үткәрелеүе һөҙөмтә бирмәй ҡалманы - ҡала урамдары күҙгә күренеп таҙарҙы, матурланды. Әле бөтә тирә-яҡ күҙгә күренеп йәшелләнә. Үҙ аллы изоляция режимында булыуға ҡарамаҫтан, ҡала ойошмалары Таҙалыҡ көндәрендә әүҙем ҡатнашыуын дауам итә. Әйтәйек, 28 - 30 апрелдә генә унда 700-ҙән ашыу кеше ҡатнашҡан, 1149 ҡапсыҡ сүп-сар йыйылған. «Газпромнеф-техим Салауат», «Салауатбыяла» йәмғиәттәре, «Сәнәғәт һыу каналы», ҡаланың ресурс менән тәьмин итеүсе бөтә ойошмалары, тыуған яҡты өйрәнеү музейы, ҡала үҙәк китапханаһы, мәғариф, спорт идаралыҡтары, төҙөк-ләндереү, дөйөм туҡланыу предприя-тиелары, архитектура-планлаштырыу бюроһы, Өфө дәүләт нефть-техник университетының Салауат ҡалаһындағы филиалы сарала әүҙемлек күрһәтте. Йыйылыусылар үҙҙәренә беркетелгән биләмәләрҙе сүп-сарҙан таҙартты, тышҡы реклама һәм алтаҡталар объекттарын тәртипкә килтерҙе, газондарҙы сүптән арындырҙы, бордюр таштарын, ағас төптәрен ағартты.
Бындай сараларҙы уҙғарыу матур йолаға әйләнһә, бик шәп булыр ине. Таҙалыҡ бит- сәләмәтлек нигеҙе.
Йәзилә Хәлимова, ҡала үҙәк китапханаһының хеҙмәтләндереү бүлеге мөдире:
- Китапхана ла әле үҙ аллы изоляцияла. Шулай булыуға ҡарамаҫ-тан, таҙалыҡ көндәренә теләп сыҡтыҡ. Бөтә һаҡланыу сараларын күрҙек: битлектәр, бирсәткәләр кейҙек, дистан-цияны ла һаҡланыҡ. Бындай акциялар, ғөмүмән, бик кәрәк, тәртип-таҙалыҡты күреп күҙ шатлана бит. Өҫтәүенә, май айы матур байрамдарға бай. Тирә-яҡ биләмәне йыйыштырҙыҡ, һеперҙек, сүп-сарҙан таҙарттыҡ. Көслө елдәр булыу сәбәпле, ҡоро ағас ботаҡтары бик күп ине, шуларҙы йыйҙыҡ.
Рәфис Ғәниев, “Салауатбыяла” йәмғиәтенең инженер-конструкторы:
- Коллективыбыҙ ике төркөмгә бүленеп 29 һәм 30 апрелдә өмәгә сыҡты. Һәр төркөмдә ҡырҡҡа яҡын кеше булды. Беҙ Калинин урамынан Салауат Юлаев бульварына тиклемге өлөштө йыйыштырҙыҡ, ҡалғандар - Салауат Юлаев бульварынан Ленинград урамы-на тиклем. Ҡоро үләндәрҙе, ботаҡ-тарҙы, сүп-сарҙы тоҡтарға тултырып, юл ситенә ташыныҡ. Үҙ аллы изоляция режимында барыбыҙға ла пропуск-тар бирҙеләр. Бөтәбеҙ ҙә битлектәрҙә булдыҡ, дистанцияны һаҡланыҡ. Күп-тән күрешмәгән хеҙмәттәштәр менән осрашыу күңелгә йылылыҡ өҫтәне.