Ҡулдағы гәзит интернетҡа ҡарағанда ҡәҙерлерәк

2019 йылдың икенсе ярты йыллығына матбуғатҡа яҙылыу тамам-ланып та килә. Элек-электән гәзит-журналдарға яҙылыуҙа оло быуын вәкилдәре өлгө күрһәтә. Йәш саҡтан барлыҡ мәғлүмәттәрҙе ҡағыҙ битенән уҡып өйрәнгән инәй-бабайҙарыбыҙ үҙҙәренә тоғро ҡала. Тик матбуғатҡа хаҡтарҙың артыуы ғына уларҙы бер аҙ ҡаҡшата. Шулай ҙа уларҙы хәстәрләгән һәм матбуғат, бигерәк тә милли башҡорт гәзиттәренең һаҡланып ҡалыуы өсөн көйгән бағымсылырҙың булыуы ҡыуандыра. Бына яңыраҡ РФ Дәүләт Думаһы депутаты Зариф Байғусҡаров 5 дана “Салауат” гәзитен ҡала ветерандар советы ағзалары исеменә яҙҙырҙы.

- “Салауат” гәзите башҡа матбуғаттан милли үҙенсәлеге менән айырылып тора, күп ветерандарыбыҙ уның аша мәғлүмәттәрҙе үҙҙәренең тыуған телдәрендә уҡып белә ала. Беҙҙең ветерандар ойошмаһы тураһында ла даими яҙып тороуҙары оҡшай. Ветерандар советында бағымсылар ярҙамы менән гәзит-журналдар алдырыусылар ҙа, шулай уҡ яратҡан матбуғаттарына үҙҙәре яҙылғандар ҙа байтаҡ. Һәр ҡала һәм район үҙенең милли матбуғатын һаҡлап ҡалырға тейеш. Мәктәптәрҙә туған тел өйрәнелә, ололар үҙ телдәрендә уҡый белә, шулай булғас гәзитте лә һаҡларға кәрәк, - ти совет рәйесе Гүзәл Хөснуллина.

- Хәҙер интернет заманы булһа ла, ҡулға гәзит тотоп уҡыуға етмәй. Был осраҡта мәғлүмәт тә яҡшыраҡ хәтерҙә ҡала. Комьютер менән генә эш итеп үҫкән балаларҙың ҡайһы берҙәре хәҙер ике һүҙҙе ҡушып һөйләй белмәй. Ә инде китап, матбуғатты уҡып, кеше үҫешә, - ти “Газпром нефтехим Салауат” ветерандары советы рәйесе Миҙхәт Рахимҡолов.

Читайте нас:

Телефон

8(34763) 320392

Электрон почта

[email protected]

Адресы

453260, Республика Башкортостан, г. Салават, пр. Нефтяников, 29

Реклама хеҙмәте

8(34763) 320392

Редакция

8(34763) 320392

Ҡабул итеү бүлмәһе

8(34763) 320392

Хеҙмәттәшлек

8(34763) 320392

Кадрҙар бүлеге

8(34763) 327714