Аҡса бирелә, мөхит яҡшыра

Республика Башлығы вазифаһын ваҡытлыса башҡарыусы Радий Хәбиров билдәләүенсә, төбәк проекттарын бойомға ашырыу сиктәрендә был аҡсалар быйыл уҡ эшләй башлаясаҡ. «Владимир Путиндың Май указдарына ярашлы, киләсәктә федераль ҡаҙнанан был маҡсатҡа бүленәсәк аҡсалар бермә-бер артасаҡ», - тип белдерҙе Радий Фәрит улы.

“Уңайлы ҡала мөхитен булдырыу” федераль проектын тормошҡа ашырыу өсөн, мәҫәлән, 2019 йылда 1,4 млрд һумға йәмәғәт урындарын төҙөкләндереү планлаштырыла. Барлыҡ 63 район һәм ҡалала 142 биләмәне яңыртыу билдәләнә.