Юлдар ремонтын - күҙәтеү аҫтына

Мобиль ҡушымта юлдарҙа алып барыласаҡ ремонт барышын контролдә тотоу өсөн тәғәйенләнгән. Транспорт һәм юл хужалығы буйынса дәүләт комитеты рәйесе Тимур Мөхәмәтйәнов әйтеүенсә, бындай интерактив карта 1 июндә старт алырға тейеш. Әммә республика етәксеһе билдәләнгән ваҡыт менән килешмәне. «Беҙҙең төбәккә ҡатмарлы һауа шарттары хас. Шуға ла юлдарҙа соҡорҙар хасил була. Һөҙөмтәлә кешеләр һәм автомобилдәр зыян күрә», - тине Радий Хәбиров.