Гәзиттең тиражы артһын ғына!

- Гәзиттең тиражы артһын ғына! - ти сынаяҡтар отоусы Миңнур Ғәбитова.

Белеүегеҙсә, гәзитебеҙгә яҙылыусылар араһында бүләктәр отторғайныҡ. Миңнур Ғәбитованың бәхетенә сынаяҡтар эләкте. Ул бөгөн бүләген алып, шатланып ҡайтып китте.

- «Салауат» гәзитен яратып уҡыйым, һәр һанын көтөп алам. Айырыуса мәктәп, тәрбиә, ғаилә темалары оҡшай. Ҡаланың ғына түгел, илдәге яңылыҡтарҙы белеп була. Артабан да эшегеҙҙә тик уңыштар юлдаш булһын! Гәзиттең тиражы артһын ғына! - тип теләктәрен еткерҙе Миңнур Иҙрис ҡыҙы.