Берлектә - бәрәкәт

Программаға ярашлы, көнүҙәк проблемаларҙы ҡала халҡы үҙе билдәләй. Ә бына Калинин урамы, 5-се, 7-се, 9-сы, 11-се, 13-сө һәм Ленин урамы, 37-се йорттарының хужалары балалар өсөн спорт һәм уйын майҙансығы эшләргә хәл иткән. Майҙансыҡтан тыш, бында тротуарҙар эшләү, юл ремонтлау, яҡтыртыу терәктәрен булдырыу ҡаралған.

Был инициативаның заказсыһы Салауат ҡалаһы хужалығы идаралығы. Подрядсы - «Салауат торлаҡ төҙөлөш» йәмғиәте. Төҙөкләндереү өсөн килешеү буйынса биш миллионға яҡын аҡса тотоноласаҡ.

Майҙансыҡты асыу тантанаһын күптәр түҙемһеҙләнеп көтәлер. Өс айҙан һуң бында балалар тауышы гөрләп торор, Алла бирһә.