газета "Салауат"
+26 °С
Болотло
Бөтә яңылыҡтар
Йәмғиәт
13 Июль 2018, 11:38

Флаг һәм гимн мотлаҡ

Республика Дәүләт Йыйылышы-Ҡоролтай депутаттары “Башҡортостан Республикаһының дәүләт символикаһы тураһында” БР законына үҙгәрештәр индерҙе. Ул Башҡортостанда дәүләт флагын һәм гимнын ҡулланыуҙың яңы ҡағиҙәләрен билдәләй.

Үҙгәрештәргә ярашлы, белем биреү учреждениеларында, улар ниндәй генә милек фор-маһына ҡарамаһын, республика флагы торорға тейеш. Мәғариф учреждениеларында массалы саралар уҙғарылғанда байраҡ ҡуйыу, уны күтәреү ҡаралған. Шулай уҡ дәүләт һәм муниципаль байрамдарға арналған саралар башында гимндың яңғырауы мотлаҡ.

- Закон мәғариф өлкәһендәге дәүләт сәйәсәтенең иң мөһим принциптарын ғәмәлгә ашырыу маҡсатында ҡабул ителде - ул үҫеп килеүсе быуында гражданлыҡ һәм илһөйәрлек тәрбиәләү, - тип аңлатма бирә Башҡортостан Дәүләт Йыйылышы-Ҡоролтай рәйесе Константин Толкачев. - Яңыраҡ ҡына федераль ҡануниәткә лә Рәсәй Федерацияһы флагын һәм гимнын ҡулланыу ҡағиҙәләрен билдәләүсе үҙгәрештәр индерелде. Ҡоролтай депутаттары ла республиканың дәүләт символикаларына ҡарата ошондай уҡ нормаларҙы индереүҙе кәрәк тип тапты.
Читайте нас: