Фото үҙенә күрә бер ижад

Мәскәүҙә «Заманса Рәсәй энергетикаһы» яғыулыҡ-энергетика комплексының Бөтә Рәсәй фотографтар конкурсы еңеүселәрен ҡотланылар. Призлы урын алыусылар араһында «Газпром нефтехим Салауат» компанияһының штаттағы фотографы Федор Толкачев та бар.

Добавить в предпочтительные источники Google

Ул «Тормоштан бер көн» номинацияһында икенсе урын алды. Федор конкурсҡа предприятиеның 22-се янғын часы күнекмәләре ваҡытында төшөрөлгән фотоны ебәрә.

- Был фотография идеяһы миңә ҡапыл килде. Янғын һүндереүселәрҙең күнекмә-ләрен төшөргәндә, улар-ҙың берҙәм хәрәкәт итеүҙә-ре күҙгә салынды. Янғын һүндереүселәр буш ваҡыт-тарында фотоға төшөргә ризалашты. Эшләгән ваҡытта миңә хатта өҫтәмә яҡтылыҡты ла ҡулланырға тура килмәне, - ти Федор Толкачев.

Фотографтарға награда-ларҙы Рәсәй Федерацияһы-ның энергетика министры Александр Новак тапшыра. Үҙенең ҡотлау һүҙендә ул, энергетика өлкәһендә произ-водство уңыштарына ирешеү генә түгел, ижад менән дә шөғөлләнеү, эш моменттарын фотографияларҙа сағылдырыу ҙа мөһим, тигән.

Конкурсҡа яғыулыҡ-энер-гетика комплексының 141 предприятиеһынан 958 эш тапшырыла һәм улар араһынан туғыҙ номинация буйынса еңеүселәр билдәләнә.