Таҡыя ғына башлы ҡырлы ҡурай

Сарала республика, Бөтә Рәсәй, Халыҡ-ара конкурсанттары лауреаттары Фәйез Шәрипов менән Илһам Байбулдин ҡатнашты. Фәһемле осрашыуға Ишембай, Ғафури, Стәрлебаш райондарынан, Ҡырғыҙ-Миәкәнән һәм Йомағужа ҡасабаһынан педагогтар килгәйне. Семинарҙа ҡурайҙа уйнау ваҡытында тамаҡ менән өзләү үҙенсәлектәре тураһында һнҙ алып барылды.

Фәйез Вилдан улы менән Илһам Ханнан улы оҫталыҡ дәрестәре күрһәтте. Уларға мин дә ҡушылдым. Белгестәр менән бергәләп башҡорт халыҡ музыка ҡоралында виртуоз уйнау алымдарын күрһәттек. Заманса шарттарҙа ҡурайҙа уйнау мәсьәләләре лә күтәрелде.

Семинарҙа ҡатнашыусылар сараның юғары кимәлдә үтеүен билдәләне һәм артабан да ошондай осрашыуҙарҙы йышыраҡ үткәрергә, тигән уртаҡ фекергә килде.

Салауат музыка мәктәбенең ҡурай класы уҡытыусыһы.