«Ғорурланам һинең менән, Башҡортостан!»

Ошо көндәрҙә Башҡортостандың һәм Мостай Кәримдең 100 йыллыҡтарына арналған «Башҡортостан! Ерем минең! Аҡылым, йөрәгем һәм күңелем менән мин һинеке!» исемле әҙәби-ижади конкурсына йомғаҡ яһанылар. Сараны ҡала хакимиәтенең мәҙәниәт бүлеге, үҙәк китапхана ойошторҙо. Уның маҡсаты - Башҡортостандың тарихи һәм мәҙәни ғөрөф-ғәҙәттәрен һаҡлау, үҫтереү, республикабыҙ өсөн ғорурланыу хисен тәрбиәләү, Мостай Кәримдең ижадын популярлаштырыу.

Бүләкләү тантанаһы үҙәк китапханала уҙҙы. Еңеүселәрҙе конкурстың жюри рәйесе, Салауат драма театрының ижади коллективы етәксеһе Рөстәм Фазылов, үҙәк китапхана директоры Светлана Янгалова ҡотланы.

- Быйылғы конкурста 300-ҙән артыҡ кеше ҡатнашты. Йыл һайын үҙ һәләттәрен күрһәтеүселәрҙең артыуы ҡыуандыра ғына. Быйыл улар көслөрәк, шуның өсөн дә жюри талапсаныраҡ баһаланы. Кон-курста кескәйҙәр, уҡыусылар, студенттар һәм ололар ҙа әүҙем ҡатнашты.

Мостай Кәримдең ижады бөгөн дә кешеләр араһында дуҫлыҡ, туғанлыҡ ептәре һуҙыуын дауам итә. Ошондай ойошторолған әҙәби-ижади конкурстар быға асыҡ миҫал, - тине Рөстәм Рамазан улы.

Ижади эштәр «Тыуған илгә һөйөү менән!» биҙәү-ғәмәли сәнғәт, «Алдыма аҡ ҡағыҙ һалам» әҫәрҙәрҙе тасуири һөйләү, «Ғорурланам һинең менән, Башҡортостан!» башҡорт авторҙарының шиғырҙарын һөйләү номина-циялары буйынса баһаланды. Еңеүселәрҙең барыһына ла Почет грамоталары һәм бү-ләктәр тапшырылды. Ҡотлау-ҙар матур концерт номерҙары менән үрелеп барҙы.

- Уҡыусыларым менән бик күп конкурстарҙа ҡатнашабыҙ. Әлеге конкурста 8-се класс уҡыусыһы Эльвина Байрамғолова 3-сө урын яуланы. Ул Мостай Кәримдең «Сигеү сигә ҡыҙҙар» шиғырын тасуири һөйләне, йырланы ла. Бөгөнгө заман балалары бөйөк шәхесебеҙҙең ижадын яратып өйрәнә. Уның исеме төрлө быуын вәкилдәренә берләштереүсе көс булып тора, - ти 25-се башҡорт гимназияһының башҡорт теле һәм әҙәбиәте уҡытыусыһы Сәүиә Бикмөхәмәтова.

Читайте нас:

Телефон

8(34763) 320392

Электрон почта

[email protected]

Адресы

453260, Республика Башкортостан, г. Салават, пр. Нефтяников, 29

Реклама хеҙмәте

8(34763) 320392

Редакция

8(34763) 320392

Ҡабул итеү бүлмәһе

8(34763) 320392

Хеҙмәттәшлек

8(34763) 320392

Кадрҙар бүлеге

8(34763) 327714