Һүрәттәрҙә тарих сағыла

Ойоштороусыларҙың ентекле әҙерлеге әллә ҡайҙан һиҙелә. Ҡунаҡтарҙы тышта уҡ ҡаршы алдылар. Берәүҙәр музыка колледжының «Бронза ҡанаттар» тынлы ансамбленең төрлө композицияларын тыңлаһа, икенселәр рәссам һәм дизайнер Лилиә Яковлева менән бергә картина-эмблеманы булдырыуға үҙ өлөшөн индерер-гә маташты. Бина эсендә лә йылы мөхит булдырылған. Унда ҡала рәссамдары Ришат Хәйбуллин менән Рөстәм Вәлиев тәьҫирләнеп йыйылыусыларҙың күҙ алдында ҡа-ланы төшөрә ине. Әҙер картиналарға ҡарап һоҡланыуға ҡарағанда, картинаның донъяға килеү процесына ысын шаһит булыу бөтөнләй башҡасараҡ. Шуныһы ҡыуаныслы - күргәҙмәгә 100-гә яҡын кеше килгәйне. Улар араһында Өфө, Стәрлетамаҡ, Ишембай, Мәләүез, Күмертау ҡалалары рәссамдары бар. Са-лауат балалар сәнғәт мәктәбенең йәш талант-тары һәм «Ассоль» балалар студияһы тәр-биәләнеүселәре лә ситтә ҡалмаған. Күргәҙмә шул тиклем бай йөкмәткеле, һәр кемдең күңеленә хуш килде. Йыйылыусылар ҡаланың иҫтәлекле урындары, иҫке ҡала-ның архитектураһы, билдәле шәхестәренең портреттары менән таныша алды.