"Алтын тирмә" үҙенә тупланы

Бөгөн, 7 февралдә, 25-се башҡорт гимназияһында ҡала мәктәптәре уҡыусылары араһында "Алтын тирмә" интеллектуаль уйыны уҙҙы. Ул ҡала башҡорттары ҡоролтайы, "Аҡбуҙат" йәмәғәт ойошмаһы, ата-әсәләр комитеты, 25-се башҡорт гимназияһы коллективы менән берлектә ойошторолдо. Сара Башҡорт теле йылы сиктәрендә үткәрелде. Ҡаланың башҡорт теле уҡытыусылары конкурсҡа үҙ уҡыусыларын әҙерләгән, мәғариф идаралығы, мәҙәниәт бүлеге лә ярҙам күрһәткән. Бер кем дә буш ҡул менән килмәгән. Ҡатнашыусыларға үҙ бүләктәрен тапшырҙылар. Был турала тулыраҡ гәзиттең киләһе һанында уҡығыҙ. Әлегә фотолар ҡарай тороғоҙ.