Күпме бала һеҙҙән яҡшы тәрбиә ала

Иртә таңдан кескәйҙәре ҡабул итеп, улар менән кискә тиклем булған, һәр ҡайһыһы өсөн янып-көйгән, белем-тәрбиә бирергә, тәтелдәктәрҙең мең төрлө һорауҙарына дөрөҫ яуап бирергә тырышҡан тәрбиәсенең хеҙмәтенең ни тиклем ҡатмарлы булыуын барыбыҙ ҙа белә. Был өлкәлә осраҡлы кешеләр эшләй алмай. Заман менән бергә атлау өсөн белемде камиллаштырып тороу кәрәк. 11-се тапҡыр уҙғарылған «Мәктәпкәсә белем биреү ойошмаһының йыл педагогы» конкурсы иң-иңдәрҙе асыҡлау маҡсатын күҙ уңында тота ла инде. Уҙған аҙна бәйге яңы исемдәр асты.