Күҙҙәр ҡамашырлыҡ гүзәллек

Был матурлыҡ та «Флора» хеҙмәткәрҙәренең тырышлығы менән тыуҙырылған. Эскизын да учреждениеның белгестәре эшләгән. Ҡала халҡы ла быға һоҡланыуын йәшермәне. Социаль селтәрҙәрҙәге биттәр ошо һүрәттәр менән тулды.
- Ҡала урамдарында ғәҙәти булма-ған сәскәлектәр ултыртыу күптәнге хыял ине. Идеяларыбыҙҙың ҡала халҡына оҡшауынан күңел күтәрелеп китә. Ижади эштәребеҙҙе баһалауҙары - проектты бойомға ашырыу өсөн көс һалыусылар өсөн төп награда. Артабан да петуниялар күҙҙең яуын алып, тирә-йүнгә матурлыҡ һибеп ултырһын ине, - ти «Флора» учреждениеһы директорының төҙөкләндереү буйынса урынбаҫары Юлиә Байғужина.