газета "Салауат"
+21 °С
Болотло
Бөтә яңылыҡтар
Көнүҙәк
2 Ноябрь 2018, 10:24

Мөһимлеген аңлау кәрәк тә бит

Салауат ҡалаһында “Башҡортостан Республикаһы халыҡтары телдәре тураһында”ғы Закондың үтәлешен тикшереү был өлкәлә етешһеҙлектәр булмауын асыҡланы.

Башҡортостан Республикаһы Йәмәғәт палатаһы, Бөтә донъя башҡорттары ҡоролтайы башҡарма комитеты ағзаларынан торған абруйлы комиссия 25-се башҡорт гимназияһы, 23-сө мәктәп, 2-се гимназия һәм тағы бер нисә белем усағының, балалар баҡсаларының, урында башҡорт телендә нәшер ителгән “Салауат” гәзитенең эшен ҡараны. Шулай уҡ уларҙың иғтибарынан ҡала исемдәренең, алтаҡталарҙың ике телдә яҙылыу-яҙылмауы ла ситтә ҡалманы.

- “Салауат” гәзитенең тиражы аҙ булыуы борсолоу тыуҙыра, әлбиттә, - тине редакция коллективы менән осрашҡанда, комиссия ағзаһы, “Тамыр” телеканалының директоры Гөлназ Ҡолһарина. – Бөгөн республикабыҙ етәкселәре мәғлүмәти саралар буйынса яңы талаптар ҡуйғанда, ҡасандыр ауырлыҡ менән асылған гәзитте һаҡлап ҡалыу, уның дуҫтарын арттырыу өҫтөндә эҙмә-эҙлекле эш алып барырға кәрәк. Был эштә йәмәғәт ойошмалары ла, пред-приятие етәкселәре лә, активлыҡ күрһәтергә тейеш. Урындағы власть органдары ла ваҡытлы матбуғатҡа яҙылыу кам-панияһының мөһим-леген аңлаһа, тиражды арттырыу мәсьәләһен хәл итергә мөмкин.

Хаҡ һүҙҙәр, мәгәр, ҡыҙғанысҡа ҡаршы, ҡайһы берҙә тиражды үҫтереүҙең кәрәклеген, матбуғат сараларының йәмғиәттәге ролен беҙҙән башҡа аңламаған әҙәмдәр ҙә осрап ҡуя шул.


Читайте нас: