Коррупция... Унан ҡотола алырбыҙмы?

Салауат эске эштәр бүлегенең иҡтисади хәүеф-һеҙлек һәм коррупцияға ҡаршы көрәш бүлексәһе иҡтисади, ришүәтселек һәм һалым енәйәттәрен иҫкәр-теү һәм кәртәләү функция-ларын үтәй.

Күҙәтеү органдары эшмәкәрлеге һөҙөмтәһендә төбәктә дәүләт һәм үҙидара органдарында, учреждение һәм ойошмаларҙа вазифа биләгәндәрҙең үҙ мәнфәғәтен ҡайғыртыуы, сығымдары менән ки­лем­­дәренең тура килмәүе, ришүәткә ҡаршы тороу ҡануниәте боҙолоуы тураһын-дағы факттар асыҡланған. Ундай хоҡуҡ боҙоуҙар Эске эштәр, Һаулыҡ һаҡлау, Ғәҙәттән тыш хәлдәр министрлыҡ­тары бүлексәләрендә, федераль һалым, федераль суд пристав­тары, яза башҡарыу, дәүләт теркәүе, кадастр һәм картография, ҡулланыусылар хоҡуҡтарын яҡлау һәм кеше именлеге өлкәһендә күҙәтеү буйынса федераль хеҙмәттәрҙә, урындағы үҙидаралыҡ органдарында теркәлгән.

Салауат эске эштәр бүлегенең иҡтисади хәүеф-һеҙлек һәм коррупцияға ҡаршы көрәш бүлексәһе әлеге ваҡытта 46 иҡтисади енәйәт асыҡлаған. Улар араһында 8-е ришүәт ҡылыу, 4-әүһе бюджет аҡсаларын урлау факты буйынса.

Бына бер нисә миҫал. Иҡтисади хәүефһеҙлек һәм коррупцияға ҡаршы көрәш бүлексәһе Салауат ҡалаһының уҡыу йорттарының береһендә тикшереү эштәре барышында студенттар, уҡытыусыларҙың ришүәтселек ҡылыу эшмә-кәрлеген туҡтата. Енәйәт эшен тикшереү менән тәфтишселәр комитеты шөғөлләнә.

Ҡалабыҙҙың бюджет уч-реждениеларының етәксеһе үҙенең туғанын эшкә алған. Ә туған кешеһе ысынында унда эшләмәгән һәм икенсе ҡалала йәшәгән булып сыға. Енәйәт эше судҡа ебәрелгән.

Шулай уҡ коммерция ойошмаһы етәксеһе вазифаһы менән файҙаланып үҙенең предприятиеһынан матди байлыҡтарҙы урлаған.