газета "Салауат"
+17 °С
Болотло
Бөтә яңылыҡтар
Көнүҙәк
22 Июнь 2018, 13:15

Алыҫ аралар ерҙә юҡ кеүек, Батырыбыҙ беҙҙе көткәндә

Уҙған аҙна ваҡиғаларға ифрат бай булды. Рәсәй көнөн билдәләп өлгөрмәнек, илебеҙ футбол буйынса донъя чемпонатына старт бирҙе.

15 июндә мосолман донъяһы изге Рамаҙан айын теүәлләне, барлыҡ мәсеттәрҙә аҙан тауыштары яңғыраны, Ураҙа ғәйеттәре уҙғарылды. Беҙ иһә, ҡәләм тирбәлтеүселәр, уҙған аҙнала Ҡариҙел районында ойошторолған республика журналистарының фестиваленә барып, оло тәьҫораттар менән ҡайттыҡ. Алыҫ ара үтеп йонсоһаҡ та, беҙ үҙебеҙҙең милли батырыбыҙҙы онотманыҡ, ә тыуған ҡалабыҙға аяҡ баҫыу менән Салауат Юлаевтың һәйкәленә сәскәләр һалырға ашыҡтыҡ. Батырыбыҙ ҙа рухташтарын тулҡынланып көткән ахырыһы, беҙ күренеү менән уның таш һыны яҡтырып киткәндәй булды. Ә батыр рухына арнап шиғырҙар ҙа уҡып ишеттергәс, көн асылып, ергә ҡояш көлтә-көлтә нурҙарын һибеп ебәрҙе.


Читайте нас: