газета "Салауат"
+24 °С
Болотло
Бөтә яңылыҡтар
Экология
6 Март 2020, 11:37

Айырым йыяйыҡ, мәҙәниле булайыҡ

Илдә сүп-сар реформаһы гөрләй. Һуңғы ваҡытта уны айырым йыйырға кәрәк, тигән фекер йышыраҡ яңғырай. Хатта балалар баҡсаларында ла «Балалар сүп-сарҙы айырып йыйыу яҡлы!» тигән экологик проекттар старт алды.

Өфөлә лә сорттарға айырылған ҡалдыҡтарҙы тәүлек әйләнәһенә ҡабул итеүсе тәүге пункт эшләй башланы. Был башланғыс “Мега” сауҙа үҙәге һәм “ИКЕА” магазины тарафынан тормошҡа ашырылған.
Күптән түгел беҙҙең ҡалала ла сүп-сарҙы айырым йыйыу өсөн ҡулайлаштырылған контей-нерҙарҙы шәйләп ҡалдым. Фотоһүрәттән күренеүенсә, бында полиэтилен һауыттарҙы, макулатураны, быяланы айырым һалырға мөмкин. Шуныһы иғти-барҙы йәлеп итте, ысынлап та, һәр сүп-сар үҙенә тәғәйен бүлеккә һалынған. Тимәк, халыҡтың мәҙәнилеге арта, тигән фекер тыуҙы миндә.
“Экология” милли проекты ла ҡаты көнкүреш ҡалдыҡтарының тирә-яҡ мөхиткә һәм кешеләрҙең һаулығына кире тәьҫирен мөмкин тиклем кәметеү, сүп-сарҙы айырым йыйыуҙы ойоштороп, ҡайтанан эшкәртеүҙе, икенсел сеймал алыуҙы яйға һалыу бурысын ҡуя.
Читайте нас: